Ɛsta 10 - EBƆRƐ BE KAWƆLMɔdikaya ka ki esagboŋ be asheŋ 1 Ewura Sɛgsis yili lampo nna n sa basa nɛ b tase teku ase nɛ bumo nɛ b maŋ tase teku ase ashi mbe efuli so kikɛ. 2 B sibɛ kananɛ e ji eleŋ mbe kuwura to nɛ kananɛ e maŋ Mɔdikaya so n yili eyilikpagboŋ kikɛ n wɔtɔ Pɛshiya nɛ Midia be efuliana so be bewura be adrasheŋ be nwɔl kikɛ to nna. 3 Mɔdikaya e daa la enimu m bɛ ewura Sɛgsis so. E daa la esagboŋ nna Juwebi na kutɔ nɛ b daa sha mbe asheŋ ga ŋkpal e ka daŋ chɛ bumo to nsaa malga a sɔ bumo a yige so. |
© 2015 GILLBT Ghana Institute of Linguistics, Literacy and Bible Translation