لوقا 3 - کتاب مقدس به زبان گیلکی - گویش رشت و غرب گیلانیحیی، رائَ آبادَ کونه 1 پانزدهمین سالِ حکومت تیبِریوس امپراطورِ روم، اُزمات کی پُنتیوس پیلاتُس یهودیه فرماندار بو، هیرودیس جلیلِ حاکم، و اون برار فیلیپُس ایتوریه و تْراخونیتیسِ حاکم، لیسانیوس آبیلینی حاکم، 2 و حَنّا و قیافا یهود پیله کاهنان بید، خُدا کلام ویاوان درون یحیی، زکریا پسر ره بامو. 3 پس یحیی تمان اُ سامانسر کی اُردنِ روخان کنار نئَه بو شوئی و موعظه کودی کی مردوم خوشان گُنائان آمرزش ره توبه بُکونید و غُسل تعمید بیگیرید. 4 عَین اونچی کی اِشعياى پیغمبر گبان، کتاب درون بینیویشته بُبوسته کی: «اُ مردای اوخان کی ویاوان درون هَرا کونه، ”خُداوندِ رائَ آبادَ کونید! اونِ مسیرانَ هموارَ کونید! 5 تمان درِه ئان پُر و تمان کوئان و پوشته ئان پست خوائید بوستن؛ کَج رائان، راست و پستِ بُلنده رائان، تخت خوائید بوستن. 6 هو موقع تمان آدمان، خُدا نیجاتَ دینیدی.“» 7 جه اَ رو یحیی رو به مردومی کی غسل تعمید گیفتن ره اون ورجه اَموئید، گفتی: «اَی افعی بزاسته ئان، کی شمرأ واخُب بُکوده تا جه غضبی کی در پیش دَرید جیویزید؟ 8 پس شیمی کاران مَرا نیشان بدید کی راست راستی توبه بُکودید و شیمی مرا نیگید کی: ”اَمی جدّ ابراهیمه.“ چونکی شمرأ گَم خُدا تانه اَ سنگانِ جا ابراهیم ره زاکان بوجود باوره. 9 حتّی الانم تُوُر، دِه دارانِ بیخ سر نئَه. هنِ واسی هر داری کی خب بارِ فاندَه، وَاوِه و آتش درون اِگاده به.» 10 خلق اون جا واورسه ئید: «پس چی بُکونیم؟» 11 یحیی جواب بدَه: «اون کی دونه رخت دَره، ایتا اونی کی ناره یَ فَده، و هر کیَم هرچی خوردنی دَره اَطو بُکونه.» 12 خراجگیرانم باموئید تا تعمید بیگیرید. اوشان اونِ جا واوَرسه ئید: «اوستاد، اَمان چی بُکونیم؟» 13 یحیی اَشان بگفت: «ویشتر جه اونچی کی تعیین بُبوسته فَنگیرید.» 14 سربازانم اون جا واوَرسه ئید: «اَمان چی بُکونیم؟» یحیی بگفته: «زور و بُهتان مرا کسی جا پول فنگیرید و شیمی مُزد مرا قاینا بیبید.» 15 مردوم شوق و ذوق مرا چوم برا بید و خوشان دیل مرا فیکر کودید کی بِه یحیی هو مسیح موعود ببه؟ 16 یحیی جواب، اوشان ره اَن بو: «من شمرأ آب مرا تعمید دئم، ولی ایکَس اَیه می جا قوی تر کی من حتی قابیل نیئم اون چاروغ بَندَ وازا کونم. اون شمرأ روح‌القدّس و آتش مرا تعمید دئِه. 17 اون سه چَنگَه یَ خو دَس درون دَره تا خُو خرمنَ دوجینه و گندمَ خو تیلامبار میان ذغیره بُکونه، ولیکولوشَ آتش درون کی هرگس دُکشانه نیبه سوجانه.» 18 پس جه اَ رو یحیی اَ خبِ خبرَ مردومَ فارسانه ئی. 19 ولی چونکی هیرودیسِ حاکم، خو برار زن باره هیرودیا و شُرورکارانیَم کی بُکوده بو و یحیی اونه تَشر بزه، 20 اونَ خولتانَک درون تَوَدَه و اَطو بُبوسته کی ایتا گُناه خو گُنائانِ سر بنه. 21 اُ زماتی کی مردوم همه تا تعمید گیفتَن دیبید و عیسی ئم تعمید بگیفته بو و دُعا کودی، آسمانان وازا بوست 22 و روح القدس جسمِ درون، کوتری مانستن اون سر بجیر بامو؛ و اوخانی آسمان درون بپیچَست کی: «تو می عزیز پسری! تی جا راضی ئم!» عیسی شجره نامه 23 عیسی خو خیدمَتَ زماتی اَسر بیگیفت کی دوروَر سی سال دَشتی. مردوم گُمان بَردید کی عیسی یوسفِ پسر بو، و یوسف هِلی پسر، 24 هِلی مَتّات پسر، مَتّات لاوی پسر، لاوی مِلکی پسر، مِلکی یَنّا پسر، یَنّا یوسف پسر، 25 یوسف مَتّاتیا پسر، مَتّاتیا عاموس پسر، عاموس ناحوم پسر، ناحوم حِسْلی پسر، حِسْلی نَجَّی پسر، 26 نجَّی مَعَت پسر،مَعَت مَتّاتیا پسر، مَتّاتیا سِمِعین پسر، سِمِعین یُسِک پسر، یُسِک یهودا پسر، 27 یهودا یوحَنان پسر، یوحَنان ریسا پسر، ریسا زروبابِل پسر، زروبابِل شِئَلتیئیل پسر، شِئَلتیئیل نیْری پسر، 28 نیْری مِلکی پسر، مِلکی اَدّی پسر، اَدّی قوصام پسر، قوصام اِلمادام پسر، اِلمادام عیر پسر، 29 عیر یوشَع پسر، یوشَع اِلعازار پسر، اِلعازار یوریم پسر، یوریم مَتّات پسر، مَتّات لاوی پسر، 30 لاوی شَمعون پسر، شَمعون یهودا پسر، یهودا یوسفَ پسر، یوسف یونام پسر، یونام اِلیاقیم پسر، 31 اِلیاقیم مِلیا پسر، مِلیا مِنّا پسر، مِنّا مَتّاتا پسر، مَتّاتا ناتان پسر، ناتان داوود پسر، 32 داوود یَسا پسر، یَسا عوبید پسر، عوبید بوعَز پسر، بوعَز سَلمون پسر، سَلمون نَحْشون پسر، 33 نَحْشون عَمّیناداب پسر، عَمّیناداب رام پسر، رام حِصْرون پسر، حِصْرون فِرِص پسر، فِرِص یهودا پسر، 34 یهودا یعقوب پسر، یعقوب اسحاق پسر، اسحاق ابراهیم پسر، ابراهیم تارَح پسر، تارَح ناحور پسر، 35 ناحور سِروج پسر، سِروج رِعو پسر، رِعو فِلِج پسر، فِلِج عِبِر پسر، عِبِر شِلَخ پسر، 36 شِلَخ قینان پسر، قینان اَرْفَکْشاد پسر، اَرْفَکْشاد سام پسر، سام نوح پسر، نوح لَمِک پسر، 37 لَمِک مَتوشالَح پسر، مَتوشالَح خَنوخ پسر، خَنوخ یارِد پسر، یارِد مَهَلَلئیل پسر، مَهَلَلئیل قینان پسر، 38 قینان اَنوش پسر، اَنوش شِیث پسر، شِیث آدم پسر، آدم خُداپسر. |
@ 2024 Korpu Company