Matiu 7 - Kubokota Adapt New Testament

Muke Pituria na Goto Tinoni

¹ <

² Ura aza tugu na zona gamu pituni na goto tinoni za aza tugu za na zona muna tapituni gamu. Beto aza tugu na pada gamu padadi ria na goto tinoni, za aza tugu za muna tapadani gamu.

³ Ae za vei ko qu tapatiana dogoria tu ao za na opopu pa matana na taimu, ba na lomoto kobukobu pa matamu za quke pavu galani?

⁴ Ae za vei ko ari tu qu guni vei ao za na taimu, qu gua? Ba dotu! Na lomoto kobukobu pa matamu!

⁵ Ao na tinoni sekesekemu na vavabatamu ao! Momoe za mu kazi pale mae tu na lomoto kobukobu pa matamu, beto za pala muna batabata valeana ao ko muna boka kazi pale ao za na opopu pa matana na taimu.

⁶ Muke gona vadi na zakazava madidi ria na sie, ura pala mari gabala mule garatagamu gu. Beto ko muke gona vadi na miu patu poreveveidi ria na borogo, ura pala mari tete anyanyudi gu pa pezo,>> za gua i Jisu.

Mu Tepa, Mu Nyaqo beto Mu Kikia

⁷ <

⁸ Ura na tinoni za tepa za tekua, na tinoni za nyaqo za batia, beto na tinoni za kikia za tarevanga vani.

⁹ I zei na tinoni gamu, za totonai za tepagana meme na tuna, nari na patu doa tu za vani?

¹⁰ Ba bi tepagana igana aza, nari na dole tu za vani?

¹¹ Ko vei gamu na tinoni ikikeremiu gu ba gamu bokamiu iadi na zakazava leadi ria na tumiu, nari za na Tamamiu pa noka za za leana joladigamu ko aza mina iadi na zakazava leana joladi ria ria qari tepani aza!

¹² Ko doruna gamu nyoroguani ko mari roiti lameni tadigamu ria na tinoni, za ria tugu za mu roiti laodi tadiria na tinoni. Ura ani gu za na Vavanau ti Mosese beto na varivagigalai tadiria na tinoni korokorotai,>> za gua i Jisu.

Mu Lugea na Atakamana Ngijupuna

¹³ <

¹⁴ Goto na atakamana lugelugena lao pa toa za ngijupu beto na zona laona za karajutu, ko ari ka vizaviza gu qari batia aza,>> za gua i Jisu.

Na Suvege beto na Vuana

¹⁵ <

¹⁶ Pa vuadi pala muna dogoro gigaladi ria. Ae vei na tinoni qari lokete vungu qurepi pa gazoro livolivo eoro? Babi qari boka lokete vua piqi pa buruburu varivarioka?

¹⁷ Za varitoto vei aza za na suvege leana za vuadi na vua leadi, goto na suvege ikerena za vuadi na vua ikeredi.

¹⁸ Na suvege leana zake boka vuadi na vua ikeredi, beto na suvege ikerena ba zake boka vuadi na vua leadi.

¹⁹ Na suvege zake vuani na vua leana za tario pale ko za tagona lao pale pa iku.

²⁰ Ko za vei za pa vuadi muna gigaladi ria,>> za gua i Jisu.

Ria zake Gilagilaria na Bangara

²¹ < za mari lugea na binangara pa noka, goto ria gu qari roitini na nyorogua tana Tamaqu pa noka.

²² Tonai mina kamu za na rane varituti, za pala kubo tinoni za ari mariguniziu vei ara, mari gua.

²³ Ba ari pala mana ule votu veini vadi ara ria, mana gudi,>> za gua i Jisu.

Kori goto Tinoni qari Nongoria na Paranga

²⁴ <

²⁵ Ko za gore za na qolapezo, za vae za na pie, beto za iru za na gava, ko za rajai za na ruma aza, ba zake boka tanobata za na ruma, ura za turu vamauru pa kuta patu aza.

²⁶ Goto aza na tinoni za nongororia na qua paranga ari ba zake tutiria, za vei na tinoni duviduvilina za vaturua na nana ruma pa naganagazana.

²⁷ Ko za gore za na qolapezo, za vae za na pie, beto za iru za na gava, nari za tanobata za na ruma aza, ko za dugala tajegajegarani aza,>> za gua i Jisu.

I Jisu za Varivagigalai Pa Neqi

²⁸ Ego ko totonai za beto varivagigalaidi na paranga ari i Jisu, za qari gabara vitivitigini ria na minete tinoni za na varivagigalai tana,

²⁹ ura aza za kole varivagigalai vei na tinoni za izongia na neqi beto zake vevei ria qari varivagigalaini na Vavanau.