Matiu 13 - Kubokota Adapt New Testament

Na Vavakato Vavapadana na Tinoni Umuma

¹ Ego na rane tugu aza za taloi pa ruma aza i Jisu, ko za lao pa keketaina na ovuku ko za nyumu ketakoi.

² Na minete tinoni lavata za qari varikamuni aza, ko za lao tu zae ko za nyumu pa maka koaka aza. Goto na puku minete tinoni za qari turu gu pa paroparona.

³ Ko kubo zakazava za vagigalaidi aza pa vavakato vavapada. Ko za vavakato vei ari aza. <

⁴ Totonai za kole iparadi aza ria na kiko, za kaki za qari lotu lao pa lodaka zona pa rereregena tana tinoni, ko qari tatava kamu na manugu ko qari tobiki gani betoria na gedi.

⁵ Goto kaki mule za qari lotu lao pa buturuna ketakoi zake kubo pezona. Ko qarike oriavo tugu pidokodia za na kiko ria, ura zake kubo na pezo.

⁶ Ba tonai za zagere gu na tapo nari za alanga vamaleiria, ura za kepore na bageredi.

⁷ Goto kaki kiko mule za qari lotu lao pa gazoro varivarioka, ko za pilu vaukeria na gazoro varivarioka.

⁸ Goto kaki kiko za qari lotu lao pa pezo masuruna ko qari vua valeana. Ko kaki za qari vua gogoto, kaki za qari vua vonomongavulu, goto kaki za qari vua uengavulu.

⁹ Aza za kolenana talingana za mi vainongoro valeana!>> za gua i Jisu.

Na Ginuana za Varivagigalai pa Vavakato Vavapada i Jisu

¹⁰ Ego aza tugu za beto za qari rijo lao tata ko qari nanazia ria na nana sepele i Jisu, <> qari guni.

¹¹ Nari za oeria i Jisu ria, ari za gudi vei, <

¹² Aza na tinoni za tori porenana tu za mina taia mutugu ko mina pugele nyonyoa na nana. Aza na tinoni za keporenana za aza tugu iapeki za izongia ba mina tateku pale tugu.

¹³ Na ginuana qa varivagigalaidi na vavakato vavapada za ura qari dogodogoro tugu ria ba qarike batabata, qari vainongoro tugu ba qarike nongonongoro beto qarike vakaberiadia maka za.

¹⁴ Ko za gore votu tugu tadiria za na korokorotai ti Aisea, aza ari za gua vei,

¹⁵ Ura na bulodi na tinoni ari za dupa na talingadi za kiqili patu beto na matadi qarike batabata. Keta mari batabatani na matadi, mari nongonongoro na talingadi, beto mi tavagigala na bulodi ko mari gabala mule lame ko ara ma salanaria,> za gua na Tamaza.

¹⁶ Ba gamu gamu tamana za gamu, ura gamu boka dogodogoro vatavagigala beto na nonongoro vakoititi.

¹⁷ Ura ma poja zozotodigamu ara za gamu: na zoku ria na tinoni korokorotai beto ria na tinoni tuvizidi pa moa za qari nyoroguani ko bari batiria ba bari nongoria ria qe gua na zakazava gamu batiria beto gamu nongororia gamu ari, ba qarike boka,>> za gua i Jisu.

Na Vakaberena na Vavakato Vavapadana na Tinoni Umuma

¹⁸ <

¹⁹ Na tinoni za nongoria na nongorona na binangara tana Tamaza ba zake vakaberia za lame na kutana nikerena ko za teku pale za na nongoro za tavavuvuzu pa bulona. Na tinoni aza za vei na kiko za tavavuvuzu pa lodaka zona.

²⁰ Goto na kiko za tavavuvuzu pa pezo buturuna, za vei tugu na tinoni tonai za nongoria na nongoro nari zake oriavo tugu teku qeraqerani.

²¹ Ba zake bagere valeana pa nana toa makana ko zake kole zovai pa nana toa. Ko tonai za raja za na tapata beto qari komitia na tinoni pa ginuana vei za vazozotoa na nongoro aza, nari zake oriavo tugu lotunana.

²² Goto na kiko za tavavuvuzu pa gazoro varivarioka, za vei na tinoni za nongoria na nongoro ba na tapatiana qari kole pa toa beto na roqu totodi na izizongo pa pezo za pilua za na nongoro aza ko zake vua valeana.

²³ Goto na kiko za tavavuvuzu pa pezo masuruna za vei na tinoni za nongoria na nongoro beto za vakaberia. Aza za vua valeana ko za vua gogoto, na vonomongavulu beto na uengavulu,>> za gua i Jisu.

Na Vavakato Vavapadana na Buruburu ikeredi

²⁴ Ego za vavakatoni mule i Jisu tadiria za maka vavakato vavapada, ari za gudi vei, <

²⁵ Ba maka bongi totonai qari korapa puta beto ria doru tinoni za kamu za maka nana kana, ko za vavuvuzu vavarisomanai laodi na kiko ikikeredi za ketakoi za tori tavavuvuzu tu za na kiko leadi, beto ko za turu ko za keninana.

²⁶ Tonai qari pidoko za na umuma ko qari podalai vua, nari za qari tabata pikata ria na buruburu ikikeredi qari toa varisomanai.

²⁷ Nari qari lao tana tinoni porenana inuma ria na pinauzu, ko ari qari gua vei, qari gua ria.

²⁸ Nari za oe lao aza, za gua aza. Nari qari paranga ria na pinauzu, qari gua.

²⁹ Ba za paranga za na tinoni porenana inuma,

³⁰ Goto loiria ko mari makarai toa varikamudia tinganai mina kamua na totozo ababu. Totonai tu mina kamua na totozo ababu, za pala mana garunuria ara ria na tinoni ababu, ko mari sobulu momoe paledi ria na buruburu ikikeredi, beto mari piu varivarikamudi ko mari vato paledi pa iku. Beto za mari tubo varikamudi ria na vua matua leadi ko mari vakoleria pa qua ruma vavakole ganiganina,> za gua,>> za gua i Jisu.

Na Vavakato Vavapadana na Kiko Masitadi

³¹ Beto za vavakatoni mule i Jisu tadiria za maka vavakato vavapada, ari za gua vei, <

³² Za peki joladi doru kiko aza, ba totonai za toa za lavata joladi doru umuma pa inuma. Ko za juki suvege lavata ketakoi aza, ko qari tatava kamu na manugu ko qari okoto roitidia vorivori na alale pa doru kaena,>> za gua i Jisu.

Na Vavakato Vavapadana na Vavakovuruni Palava

³³ Beto za vavakatoni mule i Jisu tadiria za maka vavakato vavapada, ari za gua vei, <> za gua i Jisu.

Na Ginuana za Varoitiria na Vavakato Vavapada i Jisu

³⁴ Za kole varivagigalai laonana gu pa vavakato vavapada i Jisu totonai za kole varivagigalai tadiria na minete tinoni. Ko kepore za maka nana vavakato lao tadiria bike vavapodeke pa vavakato vavapada.

³⁵ Za roiti vei ari aza ko za vagore votua za aza vei za pojai na tinoni korokorotai, ari za gua vei, <> za gua.

I Jisu za Vakaberia na Vavakatona na Buruburu ikeredi

³⁶ Ego beto za taloi tadiria na minete tinoni i Jisu ko za luge pa leo ruma, nari za qari lao nanazia ria na nana sepele aza, ari qari guni vei, <> qari gua ria.

³⁷ Nari za oe laoria i Jisu ria, ari za gua vei, <

³⁸ Na inuma za na kasia guguzu, ria na kiko leadi ria na tinoni pa binangara tana Tamaza, goto ria na buruburu ikikeredi za ria na tinoni tana kutana nikerena.

³⁹ Na kana aza za umadi ria na buruburu ikikeredi za na bangaradi na tomete. Na totozo ababu za na vinabetona na totozo, goto ria na tinoni ababu ria na mateana.

⁴⁰ Maka moqaza podeke vei qari tatubo varikamu ria na buruburu ikeredi ari ko qari tavato pale pa iku, za mina vei putaputa tugu aza za mina taroiti pa vinabetona na totozo.

⁴¹ Na Tuna na Tinoni mina garunuria ria na nana mateana ko mari mijata paledi pa nana binangara ria doru zakazava varivatatupe beto ria qari roiti vasela.

⁴² Ko mari tagona valao pa leo iku memea ria ko ketakoi mari suvere lukana uui beto mina ngingizi tu na livodi.

⁴³ Goto ria na tinoni tuvizidi za mari tolanga vei na kaberena na tapo pa binangara tana Tamadi. Aza za kolenana talingana za mi vainongoro valeana!>> za gua i Jisu.

Na Vavakato Vavapadana na Izizongo Kole Golomona

⁴⁴ <> za gua i Jisu.

Na Vavakato Vavapadana na Patu Poreveveina Jola

⁴⁵ <

⁴⁶ Ko tonai za batia maka aza za batabata lea jola, nari za lao ko za vavai betodi ria doru nana zakazava ko za vaitekua na nana za na patu batabata lea jola ani,>> za gua i Jisu.

Na Vavakato Vavapadana na Vaqara

⁴⁷ <

⁴⁸ Totonai za pugelia na igana za na vaqara, za qari bako vaparoa pa parona ria na tinoni abu ko qari kole mijataria ria na igana. Ria na leadi za qari kuradi pa kurakurana, goto ria nake leadi za qari gona paledi.

⁴⁹ Ko pala zara tugu mina vei za pa vinabetona na totozo. Ria na mateana za mari votu lao ko mari mijata paledi ria na tinoni ikikeredi qari varisomanai tadiria na tinoni tuvizidi.

⁵⁰ Ko mari tagona valao pa leo iku memea ria ko ketakoi mari lukana uui beto mina ngingizi tu na livodi,>> za gua i Jisu.

Na Zakazava Leludi beto na Koregadi

⁵¹ Ego beto za nanazaria i Jisu ria na nana sepele, ari za gua vei, <> za gua. Nari za, <> qari gua ria.

⁵² Nari ari za gudi vei, <> za gua i Jisu.

I Jisu za Takilu Pale pa Nazareti

⁵³ Ego ko pa liguna za beto varivagigalaidi i Jisu ria doru vavakato vavapada ari, za taloi pa ia aza aza,

⁵⁴ ko za lao pa nana guguzu ketakoi za lavata zae ko za varivagigalai aza pa ruma varivarikamuna ketakoi. Ko qari gabara beto ria doru totonai qari nongoria na nana varivagigalai. Ko qari paranga ria, <

⁵⁵ Taqe gilagilainada gu gita za na tinoni ani! Na tuna gu na kamada ani! Na izongona na tinana i Mere gu ke! Ko ria na taina marene ari Jekopi i Josepa i Saimone beto i Jiudasi gu ke!

⁵⁶ Ko ria na luluna reko ba qari korapa gu suvere tavitigita ari! Ko na tinoni ani pae za butidi aza ria na varivagigalai beto na roiti veveidi zara?>> qari gua.

⁵⁷ Ko qari kilu pale ria aza. Ba ari za gudi vei Jisu ria, <> za gua aza.

⁵⁸ Ko zake roitidi zoku roiti varivagabaradi pa ia aza i Jisu, ura koko vei ria na tinoni qarike vazozotoa aza.