Luke 1 - Kubokota Adapt New Testament

Na Tinoni za Takuti Vani na Buka

¹ Ego tori motadi tu ria na tinoni qari podepodeke ko qari kuti varitutidi ria na vavakatodi na roiti qari gore votu tadigami.

² Ko na roiti ari za na veveidi tugu qari tori ule vakarovo vadigami tu gami ria qari batini matadi zozoto podalai tu pa podapodalaina beto ko ria qari nabulu kopuni na nongoro leana aza.

³ Bangara Tiopilasi, ko zara za vei za pa liguna tu qa tuti vikitivokotoria na totozo kakazana za doru roiti ria, nari qa rove vaporeveveinaia za ara ma kuti varituti valeana vanigo ao qa gua.

⁴ Qa korapa roiti vei ari ara ko vei ko mu gilagila valeanaria ao za na zozotodi tugu ria na zakazava qari tori ule vanigo tu ao ria na tinoni qa gua.

Na Podona i Jone Paputaiso za Takoroto Vakole

⁵ Ego na totozo za korapa suvere bangara i Herodi pa ia pikata guguzu pa Jiudia, za suverenana tugu ketakoi za maka iama, na izongona i Zakarae, ko na puku iama tuti lame veina ti Abija aza. Ko i Elizabeti na maqotana ba maka butubutu iama lame veina tugu ti Eroni.

⁶ Ko na tinoni tuvizidi pa dogodogoro tana Tamaza ari kori, qari tuti valeanaria ari kori ria doru garunu beto na uana tuvizidi tana Bangara ko za kepore na dia pake pa toa.

⁷ Ba za kepore na tudi ari kori ura i Elizabeti za na egoro beto ko ari kori doru za qari tori baragozo na qoele beto tu.

⁸ Ego maka rane totonai za kamua za na totozo tadiria na puku iama za somanani i Zakarae, nari za kole roitini na roiti tana iama pa moena na Tamaza i Zakarae.

⁹ Ko pa tutina vei beto qari tamijata tonai qari gonani na patu mijamijata ria na iama qari roiti, za tauduku i Zakarae ko aza za mina lao roitini za na vavavui omanga lea pa zelepade madina.

¹⁰ Ko totonai za korapa vavavui aza, za ria na minete tinoni za qari korapa varavara pa peguruna.

¹¹ Ko pa totozo tugu aza za votu za na mateana tana Bangara, ko za kole turunana pa kale matuana na ia vavavuina na zakazava omanga lea.

¹² Ko totonai za batia za za vakamuni na matagutu i Zakarae.

¹³ Ba za paranga lao tana za na mateana, ari za gua vei, <

¹⁴ Ko pala muna qeraqera jola ao beto ko ria na kubo tinoni za pala mari qera tugu tonai mina podo aza.

¹⁵ Ura pala mina maka tinoni poreveveina pa moena na Bangara aza. Minake izongo buku vaini babi na buku neqina aza, beto na Ongu Tabuna za mina kole tana podalai tu tonai mina korapa pa iapana na tinana aza.

¹⁶ Pala aza mina vagabala mule laoria tana Bangara na dia Tamaza ria na motadi na tinoni Izireli.

¹⁷ Aza za mina lao momoeni na Bangara. Pala mina lao pa neqi tana Ongonguna na Tamaza maka moqaza podeke vei i Elaija, ko mina vagabalaria na bulodi ria na tamadi ko mari roquroquria na tudi. Beto mina vagabalaria ria na tinoni ikikeredi ko mari izongia na tavagigala tadiria na tinoni tuvizidi. Pala mina roiti vei zara aza ko mina vatana vakole vani na Bangara ria na tinoni,>> za gua za na mateana.

¹⁸ Nari za paranga lao tana mateana i Zakarae, ari za gua vei, <> za gua.

¹⁹ Nari za oe lao tana za na mateana, <

²⁰ Ko dogoro! Na nongoro qa ule vanigo ara za pala mina gore votu tugu pa totozo tamijatana tana Tamaza. Ba quke vazozoto ao, ko koviria muna poka ko munake boka paranga ao tinganai mina kamua na rane mari gore votu ria na zakazava ari,>> za gua za na mateana.

²¹ Ego ria na tinoni za qari kole adonia i Zakarae za qari kole rurani za na veveina za tori zovaini tu pa zelepade madina aza ba zake oqanai votu lame.

²² Totonai za votu lame ko zake boka parangaria, nari za qari gilagilai za batia maka dogodogoro pa leona na lose madina aza qari gua. Ko zake boka paranga ko za kole podepodeke pokapokaria gu ria na tinoni.

²³ Totonai za beto ko za okoto ria na rane nabulu za mule laonana pa nana ruma i Zakarae.

²⁴ Pa liguna za vei aza beto za bogata gu i Elizabeti na maqotana, ko za kole gu suvere ovonana zake kanoko pa ruma ka lima popu. Ari za paranga vei aza,

²⁵ <> za gua aza.

Na Podona i Jisu za Takoroto

²⁶ Ego totonai za vonomo i Elizabeti, za garunia na Tamaza za na mateana i Qebereli ko za lao pa maka guguzu pa Qalili, na izongona pa Nazareti.

²⁷ Ko za lao za tana maka reko koregana, aza za tori tavatiolata vakolena tu ko mina elavia maka marene na izongona i Josepa, maka tinoni za podo lame vei pa tutina i Devita na bangara. Ko na izongona na reko koregana aza i Mere.

²⁸ Ko za lao za na mateana ko za parangia, <> za guni.

²⁹ Ba tonai za nongoria za na paranga ani za matagutu vitivitigi i Mere, ko za kole roquroqu nyaqonyaqoa aza za ae beka paranga varigozoro veveina ani za gua.

³⁰ Ba za paranga lao tana za na mateana, <

³¹ Ko dogoro! Pala muna bogata ao ko muna vaporea za maka tumu marene ko muna vakukuni i Jisu ao aza.

³² Pala mina poreveveina aza beto mina tagigala na Tuna na Tamaza ululuna jola, beto na Tamaza aza na Bangara za mina vani na binangara ti Devita aza na nana tite pa moa.

³³ Ko mina bangaradi aza ria na bubutuna i Jekopi kamua na kamua beto ko na nana binangara za mina kepore na vinabetona,>> za gua za na mateana.

³⁴ Nari za oe lao tana mateana i Mere, <> za gua.

³⁵ Nari za oe laoa na mateana aza, ari za guni vei, <

³⁶ Dogoro! I Elizabeti na tavitimu za tori qoele tu aza ba koviria za tori korapa tu bogatani aza za maka koburu marene. Za egoro qari guni na tinoni aza ba koviria za tori vonomo popu tu aza.

³⁷ Ura kepore za maka zakazava za tapatia na Tamaza,>> za gua za na mateana.

³⁸ Nari ari za gua vei i Mere, <> za gua. Ego beto za taloi tana za na mateana.

I Mere za lao Ovikia i Elizabeti

³⁹ Ego ko pa totozo aza za qaqiri gu i Mere ko za siqarai taloi zae pa kubo pa ia pa Jiudia.

⁴⁰ Ko totonai za kamu za lao luge pa ruma ti Zakarae, ko za lao gozoro qeraqerani i Elizabeti.

⁴¹ Tonai za nongoro tekua i Elizabeti za na varigozoro qeraqera ti Mere, za kanoko za na koburu pa iapana, beto za tavapugeleni na Ongu Tabuna i Elizabeti,

⁴² ko ari za paranga viva vei, <

⁴³ I zei ara ko na tinana na qua Bangara za lame tu ovikiziu?

⁴⁴ Ura ani! Aza tugu qa nongoria na varigozoro qeraqeramu ao, nari za kanoko gu za na koburu pa iapaqu ura za qeraqera.

⁴⁵ Muna tamana jola ao Mere, ura qu vazozotoa ao aza vei za pojanigo na Bangara za pala mina gore votu!>> za gua aza.

Na Kera Vinatarazae ti Mere

⁴⁶ Beto ari za gua vei i Mere <

⁴⁷ beto na ongonguqu za qerani na Tamaza aza na qua inaalo.

⁴⁸ Ura zake dogoro paleniziu ara maka nana nabulu kepore veveiqu. Dogoro! Koviria ko mi lao mari gigalaniziu na reko tamanana ria doru zazae tinoni ara,

⁴⁹ ura na Tamaza neqina jola za roitidi taqu na roiti varivagabaradi. Aza za na liosona na izongona.

⁵⁰ Za vabatidi na nana variroqu varitokai ria na okokoto zazae tinoni, ria qari pangagani aza.

⁵¹ Na limana za roitidi na roiti neqidi jola, za vanyanyaladi neqa ria qari roquroqu valavata muledi makadi.

⁵² Za vagore paledi aza pa dia tuturuna bangara ria na matamata neqidi, beto za valavataria aza ria na tinoni kepore veveidi.

⁵³ Za vapugele vadi na zakazava leadi ria qari burana, goto ria qari izizongo za iju vakeni galegale paledi.

⁵⁴ Za tori tokani tu aza za nana nabulu i Izireli, zake mumani aza za nana variroqu varitokai.

⁵⁵ Aza tugu mina vei za gua za taringutingutini aza tadiria na tamada pa moa, ti Ebarahami beto tana tutina i Ebarahami kamua na kamua,>> za gua i Mere.

⁵⁶ Ego ko za suvere mae tu ti Elizabeti kue popu i Mere, beto za mule pa nana guguzu.

Na Podona i Jone Paputaiso

⁵⁷ Ego za kamua na nana popu okotona i Elizabeti, ko za vapodoa aza za maka koburu marene.

⁵⁸ Ko totonai qari nongoroni ria qari suvere pa varilivutaina beto ria na turana za vei za roquroqu toka veini na Bangara aza, za qari somana qeraqera tavitia aza ria.

⁵⁹ Ego beto za totonai za vesu ranena za na koburu, za qari lame somanani na pobena na koburu beto ko mari vizongo tutini i Zakarae na izongona na tamana qari gua.

⁶⁰ Ba za paranga tu za na tinana, <> za gudi.

⁶¹ Nari ari qari gua vei ria na tinoni tana, <> qari gua.

⁶² Beto za qari podeke pokapoka laoa ria za na tamana na koburu, ko qari nanazia i zei beka bi vaizongoni aza za na koburu qari guni.

⁶³ Nari za tepai i Zakarae za maka patu ketakoi mina kutia na izongo, beto za ari za gua vei za kutia, <> za gua. Nari za qari gabara beto ria doru.

⁶⁴ Ego pa totozo tugu aza za revanga za na ngujuna beto za munyala za na meana, ko za paranga vatarazaea aza za na Tamaza.

⁶⁵ Ko ria doru qari suvere ketakoi za qari matagutu beto. Za tapiara rerege pa doru guguguzu pa kubo Jiudia za na nongoro ari.

⁶⁶ Ko ria doru tinoni vei qari nongoria za qari kole roquroquria pa bulodi za ari, ko qari paranga ria, <> qari gua. Ura za tabata vakabere gu tana za na neqi tana Bangara.

Na Kera Vinatarazae ti Zakarae

⁶⁷ Ego za tavapugeleni na Ongu Tabuna i Zakarae ko za ulule votuni, ari za gua vei,

⁶⁸ <

⁶⁹ Beto ko za tori vadigita tu aza za maka inaalo varenena pa tutina i Devita na nana nabulu.

⁷⁰ Aza vei za tori taringutingutini tu aza tadiria na nana tinoni korokorotai madidi pa moa,

⁷¹ za aza mina vasaregita tadiria na nada kana beto pa neqi tadiria doru qarike tavaraguadigita qari gua.

⁷² Ko na Tamaza za vabatidi na variroqu varitokai ria na nada tite, beto zake mumani aza za nana taringutinguti madina.

⁷³ Aza za na taringutinguti za mauluni ti Ebarahami ko mina vadigita za gua:

⁷⁴ za taringutinguti vakoleni aza za aza mina vasaregita tadiria na nada kana, ko taneke matagutu nabuluni gita aza za gua.

⁷⁵ Ko gita tana nabuluni aza pa uana liosona beto na tuvizina pa moena aza doru rane pa nada toa za gua.

⁷⁶ Ko ao, na tuqu, za muna tagigala na tinoni korokorotai tana Tamaza ululuna jola. Ura muna lao momoeni na Bangara ao, ko muna vatana vakole vani na zona,

⁷⁷ ko muna vagigalaidi ria na nana tinoni na veveina mari taalo ria tonai mina taleozae na dia sela.

⁷⁸ Aza mina roquroqu tokadi ura na nada Tamaza za izongia na bulo variroqu. Pala mina valamea aza tadigita za na kabere volavolaza lea za koko vei pa nulu vavagalo.

⁷⁹ Ko mina vagonadi na kabere ria qari suvere pa rorodomona beto ria qari matagutuni na uke, ko mina gaitia na nada vakasa lao pa zona bule,>> za gua i Zakarae.

⁸⁰ Ko za lavata zae ko za neqi pa nana toa ongongu za na koburu. Za suvere pa qega aza tinganai tu za kamua na totozo tonai za votu vakabere tadiria na tinoni Izireli.