रोमियों 13 - गढवली नयो नियम

शासन का अधीन

¹ हरेक मनिख शासन कन वला अधिकारियों का अधीन रौ; किलैकि सैरा अधिकार पिता परमेश्वर का तरपां बट्टी छिनी, जु परमेश्वर का तरपां बट्टी नि हो; अर जु अधिकार च, उ परमेश्वर का द्वारा ही ठैरयां छिनी।

² इलै जु कुई इन लुखुं कु विरोध करदो, जौं मा शासन कनु कु अधिकार च, उ परमेश्वर की विधियों कु विरोध करदो, अर विरोध कन वला दण्ड पाला।

³ किलैकि जु कुई अच्छा काम करदींनि, त वे तैं अधिकारियों बट्टी डनै की जरुरत नि च; पर जु उ बुरा काम करदींनि त वे तैं डनै की जरुरत च; त अच्छा काम कैर अर वेकी तरपां बट्टी उ तुम तैं आदर दयालो;

⁴ किलैकि तुम्हरी मदद कनु कु परमेश्वर की तरपां बट्टी सेवक छिनी। पर जु तु बुरै कैर, त डैर; किलैकि अधिकारियों मा वे तैं सजा दींणो कु अधिकार च अर उ परमेश्वर का दास छिनी, जौं तैं यु कारण बट्टी ही भिजै गै कि ऊं लुखुं तैं सजा द्या जु गलत काम कना छिनी।

⁵ इलै तुम तैं इन भस पिता परमेश्वर का तरपां बट्टी मिलण वली सजा बट्टी बचौणु कु नि कन चयणु च, बल्कि इलै भि की तुम्हरो विवेक शुद्ध रौ।

⁶ इलै कैरी भि द्या, किलैकि शासन कन वला पिता परमेश्वर का सेवक छिनी, अर हमेशा अपड़ी जिम्मादरियों तैं निभांणु कु उ अपड़ा आप तैं समर्पित करदींनि।

⁷ इलै जै तैं जु मिलण चयणु च तुम तैं उ चुकांण चयणु च; वे तैं चुंगी द्यावा जौं तैं चुंगी चयणी च, सभि अधिकारियों कु आदर कैरा।

पड़ोसी बट्टी प्रेम

⁸ तुम सभियूं तैं भस एक बात कु कर्जदार हूंण चयणु च अर उ या च की तुम सभि एक दुसरा बट्टी प्रेम रखा; किलैकि जु दुसरा बट्टी प्रेम रखदु, वेल ही व्यवस्था तैं पूरो कैरी।

⁹ किलैकि मूसा की व्यवस्था मा भौत आज्ञा छिनी जन कि, “व्यभिचार नि करयां, हत्या नि करयां, चोरी नि करयां, लालच नि करयां” अर यूं तैं छोड़ी अर कुई भि आज्ञा हो त सभियूं कु निचोड़ ईं आज्ञा मा मिल्दो, “अपड़ा पड़ोसी बट्टी अपड़ा समान प्रेम रख।”

¹⁰ प्रेम पड़ोसी की कुई बुरै नि करदो, इलै की हम एक दुसरा बट्टी प्रेम करद्यां त हम परमेश्वर की व्यवस्था तैं पूरो करदां।

मसीह तैं पैरी लींण

¹¹ तुम मा बट्टी हरेक तैं एक दुसरा बट्टी प्रेम करदी रौंण चयणु च, किलैकि उ बगत नजीक च जब पिता परमेश्वर तुम तैं ईं बुरी दुनिया बट्टी बचालो, जब हम पैली बार मसीह मा विश्वास करदा छा, वे बगत बट्टी त यु हमारो उद्धार अब नजीक च। यां तैं समझी कै, तुम तैं अपड़ी निंद बट्टी बिजण चयणु च अर सावधान रांण चयणु च।

¹² ईं बुरी दुनिया मा रौंणो को अब हमारो बगत खत्म हवे गै एक रात का जन जु लगभग खत्म हवे गै, अर उ बगत भि नजीक च जब मसीह वापिस आलो; इलै हम तैं ऊं कामों तैं कन बंद कैरी दींण चयणु च जु अंधकार बट्टी जुड़यूं च; अर हम तैं ऊं हथियारों तैं इस्तेमाल कन चयणु च जौं तैं उज्यला मा इस्तेमाल किये जांद।

¹³ आवा हम अपड़ा चाल-चलन तैं ठिक कन शुरू कैरी द्यां, ऊं लुखुं का जन जु उज्यला मा रौंदींनि अर अंधेरा मा न; न की लीला-क्रीडा, अर न पियक्कड़पन, न व्यभिचार, अर लुचापन मा, अर न झगड़ा, अर न जलन मा।

¹⁴ पर प्रभु यीशु मसीह तुम्हरो कवच बंणि जौं, जैका द्वारा तुम्हरी रक्षा हवे साको, अर पापी स्वभाव की इच्छाओं तैं पूरी कने की कोशिश नि कैरा।