Mazmure 97 - Geeshsha Maxaafa

Xoossay Ubbaa Bolla Godaa

¹ Goday kawotida gisho sa7an de7iya asay ufayto; yuushoy abban teqetida biittati ufayto.

² Shaarinne sakana dhumi iya yuushuwan de7ees; Xillotethinne tumatethi iya araata baaso.

³ Tami iya sinthara bees; iya yuushuwan de7iya morketa xuuggees.

⁴ Iya wol7anthay bitta ubbaa poo7isees; biittay hessa be7idi kokorees.

⁵ Dereti Godaa sinthan, sa7aa ubbaa Godaa sinthan muqaadada til7idosona.

⁶ Saloti iya xillotethaa awaajosona; asa ubbay iya bonchuwa be7oosona.

⁷ Eeqata goyinneysatinne entan ceeqeteysati ubbay yeellato; eeqati ubbay Godaas gulbato.

⁸ Abeeti Godaw, Xiyooney ne xillo pirdaa si7idi ufaytees; Yihuda macca naytika hashshu goosona.

⁹ Abeeti Godaw, neeni sa7a ubba bolla dhoqa; xoossata ubbaafe neeni dhoqu gadasa.

¹⁰ Godaa doseysato, iitaa ixite; iyan ammaneteyisata shempuwa I naagees; iitata kushepe enta ashshees.

¹¹ Xillota bolla poo7oy poo7ees; wozana suuretas ufaysi de7ees.

¹² Hinteno xilloto, Godan ufaytite; iya geeshsha sunthaa galatite.