Mazmure 96 - Geeshsha Maxaafa

Xoossa Geeshshatethan Goyinnite

¹ Godaas ooratha mazmure yexite; sa7an de7iya asa ubbay Godaas yexite.

² Godaas yexite; iya suntha sabbite; Iya ashuwa gallas gallas odite.

³ Kawotethata giddon iya bonchuwa, asa ubbaa giddon iya malaalsiya oosuwa awaajite.

⁴ Goday gita gidiya gisho iyaw gita galatii bessees; xoossata ubbaafe aadhidi yayetanaw bessees.

⁵ Hara kawotethata xoossati ubbay eeqata; shin Goday salota medhida Xoossaa.

⁶ Bonchoynne sabi iya yuushon de7ees; minotethinne puulatethi iya keethan de7ees.

⁷ Biittan de7iya asa zare ubbay Godaaba odite; bonchoynne wolqi Godaaba giite.

⁸ Iya sunthaas bessiya bonchuwa Godaas ehite; Yarsho ekidi iya dabaaba gelite.

⁹ Iya geeshshatetha teemuwan Godaa goyinnite; biittan de7iya asaw ubbay iya sinthan kokorite.

¹⁰ Kawotethata giddon, “Goday kawotis! Sa7ay minnidi eqis; qaaxenna; I asaa bolla suure pirdana” yaagite.

¹¹ Saloti ufayto; sa7ika hashshu go; abbaynne iya giddon de7iya ubbay guummo.

¹² Goshshaynne iyan de7iya ubbay ufayto! Woran de7iya mitha ubbay ufaysan yexo.

¹³ Goday yaa gisho iya sinthan yexo; I sa7a bolla pirdanaw yees. I ha sa7aa bolla xillotethan, asaa bolla tumatethan pirdana.