Mazmure 95 - Geeshsha Maxaafa

Xoossas Galata Mazmure Yexite

¹ Haayite; ane Godaa sabboos; nuna ashshiya zaallas ufaysan ililoos.

² Iya sinthe galatara shiiqoos. Galata mazmure ufaysan yexoos.

³ Goday wolqaama Xoosse; xoossata ubbaa bolla gita kawo.

⁴ Biitta ciimmoti iya qaaqan de7oosona; deriya xeerati iyabaa.

⁵ I medhida gisho abbay iyabaa; mela biittaa iya kushey oothis.

⁶ Haayite; ane gufannidi iya goyinnoos; nuna medhida Godaa sinthan gulbatoos.

⁷ I nu Xoossaa; nuuni iya qooron de7iya dereta; nuuni I heemmiya iya dorsata. Goday geysa hachi hinte si7iko,

⁸ Kase hinte mayzati Mariban hanidaysada, he gallas Maasan banta wozanaa minthidaysada, hinte, hinte wozanaa minthofite.

⁹ Enti ta malaalsiya oosuwa be7idika, tana paacidosona; taara eqetidosona.

¹⁰ Taani he yeletaa bolla oytamu laythi shaatettas; “Enti ubba wode banta wozanan baliya asata; enti ta ogiya erokona” yaagas.

¹¹ Hessa gisho, “Enti ta shempo bessaa gelokona” yaagada ta hanquwan caaqas.