Mazmure 85 - Geeshsha Maxaafa

Nuna Zaarada Denthetha

Zammaareta halaqaas xaafetida Qore nayta mazmure

¹ Godaw, neeni ne biittas keehadasa; Yayqooba kochaa di7ope guye zaaradasa.

² Ne asaa naaquwa atto gadasa; enta nagaraa ubbaa kammadasa. Salaha

³ Ne yiluwa aggadasa; suulliya ne hanquwafe simmadasa.

⁴ Abeeti nuna ashshiya Xoossaw, nuna guye zaara; nu bolla lancidaysa agga.

⁵ Neeni nu bolla merinaw shenetayee? Ne hanquwafe simmikiyee?

⁶ Nuuni nenan ufaytana mela, nuna zaarada oorathikiyee?

⁷ Abeeti Godaw, ne merina siiquwa nuna bessa; nuna ashsha.

⁸ Godaa Xoossay odiyaba taani si7ana; enti banta eeya ogiyako simmonna ixiko, I ba geeshsha deriyas sarotethi odees.

⁹ Iya bonchoy nu biittan daana mela, Xoossaa yayyeyisata ashshanaw I matan de7ees.

¹⁰ Siiqoynne tumatethi gahetidosona; Xillotethinne sarotethi idimetidosona.

¹¹ Tumatethi sa7aape pude keyees; xillotethi salope duge xeellees.

¹² Xoossay lo77oba nuus immana; nu biittay daro kathi ayfana.

¹³ Xillotethi Godaa sinthan hemetana; iya ogiya giigisana.