Mazmure 82 - Geeshsha Maxaafa

Daaburanchuwa Ashsha

Asaafa Mazmure

¹ Xoossay salo shiiquwa giddon, xoossati shiiqida bessan haysada yaagidi pirdees.

² “Hinte awude gakanaw wobbe pirdanee? awude gakanaw iitata bagga gidanee?” Salaha

³ Metootanchotasinne aawi baynaysatas mootetite; manqotanne qohetida asaa maata naagisite.

⁴ Daaburanchotanne metootanchota ashshite; iitata kushepe enta yegisite.

⁵ Hintew eratethinne akeeki baawa; enti dhuman simeretoosona; biitta baasoti qaaxidosona.

⁶ Taani, “Hinte xoossata; ubbay Ubbaafe Dhoqa Xoossaa nayta.

⁷ Gidoshin hinte asi hayqeysada hayqana; hara halaqati kundeysada kundana” yaagas.

⁸ Xoossaw, denda; biitta bolla pirda; kawotethati ubbay nebaa.