Mazmure 8 - Geeshsha Maxaafa

Yashshiya Xoossa Bonchuwa

Suusul7en yexetiya mazmure.

¹ Abeeti Godaw nu Xoossaw, ne sunthay biitta ubban waanidi bonchetide! Neeni ne bonchuwa salope bollara dhoqu dhoqu oothadasa.

² Neeni ne morketa gisho ne morkiyanne nena mandeysa si77i oothanaw, guutha nayta doonan dhammiya nayta doonan galata kunthadasa.

³ Neeni ne biradhen medhida ne salota, iya bessan bessan neeni wothida ageenanne xoolintota taani be7iya wode,

⁴ neeni asaba qopanaw asi aybee? Woyko neeni iya xomoosanaw I aybee?

⁵ Iya ne neepe guuthara guuthadasa; bonchonne gitatetha kallacha iya huuphen wothadasa.

⁶ Ne medhida medhetetha ubbaa, haarana mela ne iya shuumadasa; ubbaa iya tohuwape garsara wothadasa.

⁷ Dorsatanne meheta, wora do7ata ubbaa,

⁸ salo kafota, abba molotanne haatha garsan qaaxiya ubbaa iyaw haarisadasa.

⁹ Abeeti Godaw nu Xoossaw, ne sunthay biitta ubban waanidi bonchetide!