Mazmure 61 - Geeshsha Maxaafa

Xoossaw Tana Zaallako Kaaletha

Dawita Mazmure.

¹ Abeeti Xoossaw, ne ta woosa si7a; ta woosa hayza.

² Taani biitta gaxan de7ishin, ta wozanay ufaysi qanxida wode, ta nena xeegayis. Taape dhoqa zaallako, tana kaaletha.

³ Ne taw qotanne ta morketape naagetiya mino miixa.

⁴ Taani ne dunkaaniyan merinaw darkinaashin! Taani ne qefiya hapha garsan saro attarkinaashin! Salaha

⁵ Abeeti Xoossaw, ne ta qangetha si7adasa; ne suntha yayyeysatara issife taw laata immadasa.

⁶ Kawa laytha adussa; I yeletethaafe yeletethaa gakanaw de7o.

⁷ I Xoossaa sinthan merinaw kawoto; ne siiquwaninne ne tuman iya naaga.

⁸ Hessa gisho ta qangetha gallas gallas gathana; ne sunthaa ubba wode sabbana.