Mazmure 6 - Geeshsha Maxaafa

Un7a Wode Woosa

Hospun shayan yexetiya mazmure

¹ Abeeti Godaw, ne yiluwan tana seeropa; ne sheniyan tana hanqofa.

² Abeeti Godaw, taani daaburancho gidida gisho tana maara; abeeti Godaw, ta wozanay argaacida gisho tana mintha.

³ Ta shempiya daro un7etasu; tana maaddanaw awude gakanaw gam7ay?

⁴ Abeeti Godaw, neeni simmada tana ashsha; ne keehatetha daruwan tana kessa eka.

⁵ Hayqida asaa giddofe nena hassayey baawa; duufon gididi nena galatey oonee?

⁶ Taani oolen daaburas; qamma kumethi yeekashe ta hiixa irxisas; ta arsa afuthan wooqisas.

⁷ Ta morketa gaason ta ayfey mulcatis; taani afuxida gisho demmonna ixis.

⁸ Goday ta yeehuwa si7ida gisho, hinteno, iita ootheysato taape haakite.

⁹ Goday ta waasuwa si7is; ta woosa ekis.

¹⁰ Ta morketi ubbay yeellatidosona; dagammidosona; qoponna guye simmidi kawuyidosona.