Mazmure 53 - Geeshsha Maxaafa

Lo77o Oothiya Asi Baawa

Akeekan xaafetida ginxo

¹ Eeyati banta wozanan, “Xoossi baawa” yaagosona; enta de7oy iitis; enti tunabaa oothosona; lo77oba oothiya asi issoyka baawa.

² Xoossaa koyiya cinca asi de7iyako be7anaw, Goday salope asaa xeellees.

³ Enti ubbay Xoossaafe haakidosona; ubbay issife tunidosona. Lo77o oothiya asi deenna; hari attoshin issi asika baawa.

⁴ Asi kathi meysada ta asaa meysati, ha iita oothiya asati erokona? enti Xoossaa xeegokona?

⁵ Enti dagammi eronna dagama dagammana; Xoossay ba asaa morketa meqethaa laallana; Xoossay enta kadhida gisho enti yeellatana.

⁶ Isra7eele atotethay Xiyoonepe yeerenne! Xoossay ba asaa di7uwa zaariya wode, Yayqooba zareti ufayto; Isra7eele asay ufaysan hashshu go.