Mazmure 5 - Geeshsha Maxaafa

Wonta Woosa

Suusul7en yexetiya mazmure.

¹ Abeeti Godaw, ta qaala si7a; ta ooliya qopa.

² Ta kawaw, ta Xoossaw ta waasuwa si7a; ta maade koyada woossiya woosaa hayza.

³ Abeeti Godaw, wonta wonta ta qaala si7aasa. Wonta wonta ta woosa ne sinthe shiishayis; ta ne zaaruwa naagayis.

⁴ Neeni iitatethan ufaytonna Xoosse; iitabay neera deenna.

⁵ Otoranchoti ne sinthan eqokona; iitabaa oothiya ubbaa ne ixaasa.

⁶ Wordo odeteyisata ne dhaysaasa; Goday suuthu gusseysatanne cimmeyisata ixees.

⁷ Shin ta ne gita maarotethan ne keethaa gelana; ne geeshsha bessaako simmada nena bonchon goyinnana.

⁸ Abeeti Godaw, ta morketa gisho gada, tana ne xillotethan kaaletha; ne ogiya ta sinthan suurisa.

⁹ Enta mettershan tumi baawa; enta wozanan dhaysoy kumis. Enta doonay dooyetida duufo mela; enti banta inxarsan cimmoosona.

¹⁰ Enti ne bolla makallida gisho, abeeti Xoossaw, enta pirda; Enta tobbay enta ekidi boo; enta daro nagaraa gisho enta yedetha.

¹¹ Shin neeko baqatidi attida ubbay ufayto; enti merinaw ufaysan yexo. Ne sunthaa dosiya ubbay nenan ufaytana mela; neeni enta merinaw naaga.

¹² Abeeti Godaw, neeni xillota anjaasa; gondallen ashsheysada ne keehatethan iya ashsha.