Mazmure 47 - Geeshsha Maxaafa

Xoossay Sa7a Ubba Godaa

Qore Nayta Mazmure

¹ Dere ubbay hinte kushiya baqite; qaala dhoqu oothidi Xoossaa galatite.

² Ubbaafe dhoqa Goday waani yashshii? biitta ubban I gita kawo.

³ Dereta nuupe garsara, kawotethata nu tohuwape garsan haarisees.

⁴ I nuus laata biitta dooris; I dosiya Yayqoobi he biittan ceeqetees. Salaha.

⁵ Xoossay ufaysaninne ililsan pude dendis, Goday moyze punon ba araatan keyis.

⁶ Xoossaas zammarit; ee, iyaw zammarit; iyaw kawas zammarit; ee, iyaw zammarit.

⁷ Xoossay biitta ubbaa kawo gidiya gisho, galatan sabbite.

⁸ Xoossay ba geeshsha araatan uttis, Xoossay kawotethata haarees.

⁹ Kawotethata halaqati, Abrahaame Xoossaa asaara shiiqoosona. Biittan de7iya wolqaama ubbay Xoossaba gidiya gisho I ubbaafe dhoqu dhoqu gis.