Mazmure 4 - Geeshsha Maxaafa

Ubba Wode Woosa

Diithan yexetiya mazmure

¹ Abeeti tana xillisiya Xoossaw, taani nena xeegiya wode taw koya. Taani un7etida wode ne tana la77a kessadasa; taw qadheta; ta woosa si7a.

² Hinteno asaw, hinte awude gakanaw ta bonchuwa kawushsheetii? Awude gakanaw pathonnaba doseetii? Awude gakanaw wordo kaalleetii? Salah

³ Goday ammanetiya asata baw dummayidi wothidaysa erite; taani Godaa xeegiya wode I tana si7ees.

⁴ Hanqetite, shin nagara oothopite; hinte zin7iya wode hinte wozanaa qorite; si77i giite. Salah

⁵ Godaas like yarsho yarshite; iyan ammanetite.

⁶ “Nuna lo77oba bessanay oonee?” yaagidi daroti oychoosona; Abeeti Godaw, ne nuna keeha ayfen xeella.

⁷ Daro gistefenne woyne ushshafe ne ta wozanan wothida gita ufaysay aadhees.

⁸ Abeeti Godaw, ne xalaali tana saro wothiya gisho, taani zin7ada wopu gada dhiskayis.