Mazmure 29 - Geeshsha Maxaafa

Xoossa Gitatetha Sabo

Dawita Mazmure

¹ Hinteno salo medhetethato, bonchoynne wolqay Godaasa giite.

² Godaa boncho sunthaa galatite; iya geeshshatetha teema gisho Godaa goyinnite.

³ Godaa guunthay haathata bolla si7etees; boncho Xoossay dadada dechees; Goday gita haathata bolla guummees.

⁴ Godaa kooshinchay wolqaama; Godaa girsay teemara de7ees.

⁵ Godaa girsay zigaa menthees; Libaanosen de7iya zigaa menthees.

⁶ Libaanose dereta galo marada buraaqisees; Siriyoona deriya menthada gufisees.

⁷ Godaa girsay wol7amees.

⁸ Godaa girsay mela biittaa qaathees; Goday Qaadesa mela biittaa kokorsees.

⁹ Godaa girsay wolaa qaathees; mitha haythaa qoqofees. Iya keethan de7iya ubbay, “Bonchoy Godaas gido” yaagees.

¹⁰ Goday di7o haatha bolla ba araata wothidi uttis; Goday ba araatan uttidi merinaw kawotis.

¹¹ Goday ba asaas wolqa immees. Goday ba asaa sarotethan anjees.