Mazmure 24 - Geeshsha Maxaafa

Boncho Kawa

Dawita Mazmure

¹ Sa7aynne sa7an de7iya ubbay Godaaba; alameynne iyan de7iya asa ubbay iyassa.

² I sa7aa gita abba bolla hiixis; ciimmo haatha bolla minthidi essis.

³ Godaa zuma bolla keyanaw danda7ey oonee? Iya geeshsha bessan eqanay oonee?

⁴ Iya kusheynne iya wozanay geeshshi gididaysa; eeqa goyinnonnaysa, wordo caaqonnaysa.

⁵ I Godaape anjo ekana; ashshiya Xoossaafe xillo pirdaa demmana.

⁶ Xoossaako xeelliya asinne Yayqooba Xoossaa som7uwa koyiya asi hessa mela ase. Salaha

⁷ Boncho kawoy gelana mela, hinteno pengeto dooyetite; beni pengeti iya ufaysan mokite.

⁸ He boncho kawoy oonee? Minonne wolqaama gidida Godaa; olan wolqaama gidida Godaa.

⁹ Boncho kawoy gelana mela, hinteno pengeto dooyetite; beni pengeti iya ufaysan mokite.

¹⁰ Ha boncho kawoy oonee? Ha boncho kawoy salo medhetethata Godaa! Salaha.