Mazmure 16 - Geeshsha Maxaafa

Xoossay Ta Laata

Dawita Woosa.

¹ Abeeti Xoossaw, ta neeko baqatiya gisho tana naaga.

² Taani Xoossaa, “Neeni ta Godaa; neepe attishin, hari lo77obay taw baawa” yaagas.

³ Sa7an de7iya geeshshati ay mela bonchetidonaa! Ta entara issife ufaytayis.

⁴ Hara xoossata kaalleysati banta bolla meto darsoosona. Shin taani hara xoossatas suuthi yarshike; taani enta sunthaa xeegike.

⁵ Ta Godaw ta laatay nena; taw koshshiya ubbaa taw immaasa; ta de7uwa saamay nena.

⁶ Tana gakida saamay ay mela lo77o! Ee ta laatay tuma lo77o!

⁷ Tana zorida Godaa galatayis; qamma ta wozanay tana tamaarsees.

⁸ Taani ubba wode Godaa ta sinthan be7ayis; I ta ushachan de7iya gisho dagammike.

⁹ Hessa gisho, ta wozanay ufaytees; ta inxarsay galatees; ta asatethay hirgi bayna de7ees.

¹⁰ Ta shempiw si7oolen aggaka; ne Geeshshaa wooqana mela oothaka.

¹¹ Tana de7o ogiya bessaasa; ne sinthan kumetha ufaysi de7ees; ne ushachan merinaa injey de7ees.