Mazmure 149 - Geeshsha Maxaafa

Xoossas Ooratha Mazmure Yexite

¹ Godaa galatite! Godaas ooratha yethi yexite! xillota shiiquwan iya sabbite!

² Isra7eeley bantana medhidaysan ufayto; Xiyooney banta kawan hashshu go.

³ Durishe, karaabo baqishe, diithi diixishe iya sunthaa sabbo.

⁴ Goday ba asan ufaytees; aadatas xoono immidi enta bonchees.

⁵ Ne asay banta xoonuwan ufayto; qamma kumethi ufaysan yexo.

⁶ Enta doonan Xoossaa galatay, enta kushiyan nam7u bagga qara mashshi de7o.

⁷ Hessan enti kawotethata bolla halo keyana; asaa seerana.

⁸ Enta kawota santhalaatan, enta moorinnata biratan qachana.

⁹ Enta bolla xaafetida pirdaa polana; Hessi Xoossaa asata ubbaas xoono. Godaa galatite!