Mazmure 146 - Geeshsha Maxaafa

Kawotan Ammanetofite

¹ Godaa galatite! Ta shempe Godaa galata!

² Ta de7o laytha ubban Godaa galatana; ta de7ida wode ubban ta Xoossaa sabbana.

³ Halaqatan ammanetofite; ashshanaw danda7onna asa na7an ceeqetofite.

⁴ Enta shempoy keyiya wode biittako simmoosona; enta halchoy ubbay he gallas aadhees.

⁵ Yayqooba Xoossay maaddiya asinne Godaa, ba Xoossan ufaysi oothiya asi anjetidaysa.

⁶ Goday salonne sa7aa, abbanne iya giddon de7iya ubbaa medhis; Xoossay merinaw ammanetees.

⁷ Goday un7etidaysatas pirdees; koshatidaysatas kathi immees; Goday qashetidaysata birshees;

⁸ Goday qooqeta xeelisees. Goday kundidaysata denthees; Goday xillota dosees.

⁹ Goday bete asata naagees; Am7etanne yi7o nayta maaddees; shin iitata ogiya dhaysees.

¹⁰ Goday merinaw kawotana; Xiyoone, ne Xoossay, yeletethafe yeletethi gakanaw kawotana. Godaa galatite!