Mazmure 14 - Geeshsha Maxaafa

Xoosse Erona Asata

Zammaareta Halaqaas Xaafetida Dawita Mazmure.

¹ Eeyati banta wozanan, “Xoossi baawa” yaagosona; enta de7oy iitis. Enti ixetidaba oothosona; lo77oba oothiya asi baawa.

² Akeekeynne Xoosse koyey de7iyako be7anaw, Goday salope duge ase xeellees.

³ Shin ubbay zoko zaaridosona; ubbay go77onnaba gididosona. Lo77oba oothiya oonika baawa; hari attoshin issi asika baawa.

⁴ Asi kathi meysada, enti ta asaa bonqidi moosona; ha iita asati aybaka erokona; enti Xoossaa woossokona.

⁵ Shin Xoossay xillo asaara de7iya gisho, iita asati yashshan kokoroosona.

⁶ Hinte manqota qofaa laalleeta; shin Goday manqoti qosetidi attiya besse.

⁷ Isra7eeles atotethi Xiyoonepe yeerenne! Goday enta duussa zaariya wode, Yayqooba kochay ufaytana; Isra7eele asay hashshu gaana.