Mazmure 138 - Geeshsha Maxaafa

Xoossa Galatite

Dawita Mazmure

¹ Godaw, ta kumetha wozanan nena galatana; xoossata sinthan nena sabbana.

² Ne geeshsha keethaako simmada nena goyinnana; ne siiquwa gishonne ne tumatethaa gisho galatana. Ne sunthaa gishonne ne qaala dhoqatethaa gisho galatana.

³ Taani xeegida wode ne taw koyadasa; ne minotethan tana minthadasa.

⁴ Godaw, ne doonape keyiya qaala si7iya wode, sa7an de7iya kawoti ubbay nena galato.

⁵ Godaa bonchoy gita gidiya gisho, enti Godaa ogiyaba yexo.

⁶ Goday bolla dhoqan de7ikoka, manqota keeha ayfen xeellees; shin otoranchota haahon erees.

⁷ Taani meto giddora hemetikoka, neeni tana naagasa. Ta morketa hanquwa bolla ne kushiya miccaasa; ne ushacha kushiyan tana ashshaasa.

⁸ Goday taw gelida qaala polana; Godaw, ne siiqoy merinaasa; Ne kushe oosuwa yegga aggofa.