Mazmure 136 - Geeshsha Maxaafa

Iya Maarotethay Merinaasa

¹ Godaa galatite! I keeha; iya siiqoy merinaasa.

² Xoossata Xoossaa galatite! Iya siiqoy merinaasa.

³ Godata Godaa galatite! Iya siiqoy merinaasa.

⁴ Iya xalaali gita malaalsiyaba oothees; iya siiqoy merinaasa.

⁵ Ba cincatethan salota medhis; iya siiqoy merinaasa.

⁶ Haatha bolla biitta miccis; iya siiqoy merinaasa.

⁷ Gita poo7ota medhis; iya siiqoy merinaasa.

⁸ Awi gallas haarana mela oothis; iya siiqoy merinaasa.

⁹ Ageeninne xoolintoti qamma haarana mela oothis; iya siiqoy merinaasa.

¹⁰ Gibxe biittan bayrata wodhis; iya siiqoy merinaasa.

¹¹ Isra7eele asaa Gibxefe kaalethidi kessis; iya siiqoy merinaasa.

¹² Ba mino kushiyan, ba wolqaama qesiyan haysa oothis; iya siiqoy merinaasa.

¹³ Zo7o Abbaa shaakis; iya siiqoy merinaasa.

¹⁴ Isra7eele asaa he abba giddora pinthis; iya siiqoy merinaasa.

¹⁵ Gibxe kawanne iya olanchota Zo7o Abban muukisis; iya siiqoy merinaasa.

¹⁶ I ba asaa mela biittara kaalethis; iya siiqoy merinaasa.

¹⁷ Gita kawota shocis; iya siiqoy merinaasa.

¹⁸ Wolqaama kawota wodhis; iya siiqoy merinaasa.

¹⁹ Amoore kawa Sihoona wodhis; iya siiqoy merinaasa.

²⁰ Baasane kawa Ooge wodhis; iya siiqoy merinaasa.

²¹ Enta biitta ba asaa laatisis; iya siiqoy merinaasa.

²² Ba aylliya Isra7eele laatisis; iya siiqoy merinaasa.

²³ Nu kawuyida wode nuna qopis; iya siiqoy merinaasa.

²⁴ Nuna nu morketape ashshis; iya siiqoy merinaasa.

²⁵ Medhetetha ubbaas kathi immees; iya siiqoy merinaasa.

²⁶ Salo Xoossaa galatite! iya siiqoy merinaasa.