Mazmure 130 - Geeshsha Maxaafa

Ta Shempiya Nena Naagawusu

Pudethe keyishe yexiya mazmure

¹ Godaw, taani meto ciimmon de7ashe, neeko waassayis.

² Godaw, ta waasuwa si7a; ta woosa ne haythay hayzo.

³ Xoossaw, nu nagaraa ne xaafa oykidaako, Godaw, ooni pirdafe attanaw danda7ii?

⁴ Shin nuuni new yayyana mela, nu nagaraa atto yaagasa.

⁵ Taani Godaa laamotan naagayis; ta shempiya laamotan naagawusu; taani iya qaalan ufaysi wothayis.

⁶ Sa7i awude wontane gidi, naagiya wotaadarepe aathada, taani Godaa laamotan naagayis.

⁷ Iya siiqoy merinaasa gidiya gishonne iyan kumetha atotethi de7iya gisho Isra7eele, Godan ufaysi ootha;

⁸ Goday Isra7eele, iya nagaraa ubbaafe ashshana.