Mazmure 13 - Geeshsha Maxaafa

Xoossan Zempiya Ura Woosa

Zammaareta Halaqaas Xaafetida Dawita Mazmure.

¹ Abeeti Godaw awude gakanaw tana dogay? Awude gakanaw neeni taape geemmay?

² Ta shempiya awude gakanaw un7etanee? Ta wozanay azzanon awude gakanaw daanee? Ta morkey ta bolla awude gakanaw goobanee?

³ Godaw ta Xoossaw, ha77i tana xeellada taw zaara. Ta ayfiya poo7isada, tana hayqope ashsha.

⁴ Ta morketi, “Nuuni iya xoonida”, yaagidi ceeqetonnaada teqa; ta kundethan enti ufaytonnaada digga.

⁵ Shin taani ne maarotethan ammanetayis; neeni tana ashshiya gisho ufaytayis.

⁶ Ne taw keehida gisho, Godaw, ta new yexana.