Mazmure 127 - Geeshsha Maxaafa

Keethe Keexey Xoosse

Solomoney pude keyishe yexiya mazmure

¹ Goday keethe keexona ixiko, keexeysati coo daaburoosona. Goday katamaa naagonna ixiko, naageysati coo daaburoosona.

² Duussas koshshiyaba demmanaw, wonta guura dendoy, omarsi daro qamisidi geloy hada. Goday ba doseysatas shempo immees.

³ Nayti Godaa imota; yeloti tuma woyto.

⁴ Issi asi na7atethan yelida adde nayti, olancho kushen de7iya toora mela.

⁵ Iya korojoti ha yiishshatan kumida asi anjetidaysa; I ba morketara katama pengen, mootetiya wode shatimmenna.