Mazmure 122 - Geeshsha Maxaafa

Ane Xoossa Keethi Boos

Dawiti pude keyishe yexiya mazmure

¹ Enti tana, “Ane Xoossa keethi boos” yaagin, tana ufaysis.

² Yerusalaame, nuuni ne pengetara gelidi eqida.

³ Yerusalaamey danthetada minna keexetida lo77o katama.

⁴ Godaa kiitaa maaran Isra7eele zareti, Godaa galatanaw he katamaa yoosona.

⁵ Dawita kochaafe kawotida ubbay, banta asaas pirdanaw yan uttoosona.

⁶ Yerusalaame sarotethaas haysada yaagidi woossite; “Nena dosiya ubbay anjeto.

⁷ Ne gimbeta giddon saroy gido; ne kawo keethan wopatethi de7o” yaagite.

⁸ Ta ishatanne ta dabbota gisho, “Ne giddon saroy de7o” yaagana.

⁹ Godaa nu Xoossaa keethaa gisho, new lo77oba amottayis.