Mazmure 115 - Geeshsha Maxaafa

Nu Xoossay Dumma

¹ Abeeti Godaw, nu gisho gidonashin, ne siiquwanne ne ammanetetha gisho, ne sunthaa boncha.

² Ayis kawotethati, “Enta Xoossay awunee?” yaaganee?

³ Nu Xoossay salon de7ees; ba dosidaba ubbaa oothees.

⁴ Shin enta eeqati ase kushen oosetidosona; enti birapenne worqafe medhetidosona.

⁵ Entaw dooni de7ees, shin haasayokona; ayfey de7ees, shin xeellokona.

⁶ Entaw haythi de7ees, shin si7okona; siidhey de7ees, shin singokona.

⁷ Entaw kushey de7ees, shin bochi erokona; tohoy de7ees, shin hemetokona; enta siixinathara kooshinchi keyenna.

⁸ Enta medheysatinne enta ammaneteysati enta mela gido.

⁹ Isra7eele asaw, Godan ammanetite; hintena maaddeynne hinte gondalley iya.

¹⁰ Aarona keetha asaw, Godan ammanetite; hintena maaddeynne hinte gondalley iya.

¹¹ Godaas yayyeysato, Godan ammanetite; hintena maaddeynne hinte gondalley iya.

¹² Goday nuna qopees; I nuna anjana; I Isra7eele asaa anjana; I Aarona keetha asaa anjana.

¹³ Godaas yayyeyisata, guuthaa gita anjana.

¹⁴ Goday hintena darso; hintenanne hinte nayta anjo.

¹⁵ Saluwanne sa7aa medhida Goday hintena anjo.

¹⁶ Saloy Xoossaba; shin sa7a asas immis.

¹⁷ Hayqidaysati Godaa galatokonna; duufon zin7idaysati iya sabbokona.

¹⁸ Shin nuuni, de7on de7eysati, hachife merinaa gakanaw, Godaa galatoos. Godaa galatite.