Mazmure 101 - Geeshsha Maxaafa

Taani Suure Oge Hemetana

Dawita Mazmure

¹ Ta ne siiquwabaanne ne xillo pirdaba yexana; Godaw, ta nena mazmuren galatana.

² Taani suure ogiyan daana; neeni taako awude yaanee? Taani ta keethan suuretethan hemetana.

³ Taani ta ayfey iitabaa xeellenna; Xoossafe haakida asaa oosuwa ixayis; enti taara gahetokona.

⁴ Wozanaa geellatethi taape haako; iitatethaas besse immike.

⁵ Geeman ba laggiya zigiriya uraa si77i oothana; otortiyanne ceeqetiya asi taani danda7ike.

⁶ Enti taara daana mela, biitta bolla de7iya ammanetiya asata Taani keeha ayfen xeellayis; suuretethan hemetiya asi taw kiitetees.

⁷ Cimmiya asi ta keethan deenna; wordo haasaya asi ta sinthan eqenna.

⁸ Biittan de7iya iita asaa, taani gallas gallas si77i oothana. Iitaa ootheyisata ubbaa taani Godaa katamaape shoddana.