Mazmure 1 - Geeshsha Maxaafa

Koyro Maxaafa ( Maz 1—41 ) Nam7u Ogeta

¹ Iitata zoriyan boonnay, nagaranchota ogen eqonnay, qelqiseyisata shiiqon uttonnay, I anjetidaysa.

² Shin I Godaa higgiyan ufaytees; iya higgiya gallasinne qamma qopees.

³ I goggiya haatha xaphon toketidi, woden woden ayfe immiya, iya haythay qolettonna mitha mela. I oothiya ubbay iyaw poletees.

⁴ Shin iitati hessa mela gidokona; carkoy pitidi efiya suulla mela.

⁵ Iitati xillo pirda bessan eqokona; nagaranchoti xillota duulatan bentokona.

⁶ Goday xillota ogiya erees; shin iitata ogey dhayana.