Leemiso 4 - Geeshsha Maxaafa

Cincatethi Ubbaafe Bolla

¹ Ta nayto, hinte aawa zoriya si7ite; loythi si7ite; hinte akeeka demmana.

² Ta hintew lo77o timirte immiya gisho, ta timirtiya kadhopite.

³ Taka ta aawas na7a; ta aayes iya dosiya issi na7a.

⁴ Ta aaway tana haysada yaagidi tamaarsis; “Ta oday new gelo; ta kiita naaga; neeni hessa oothiko de7on daana.

⁵ Cincatethinne akeeka demmanaw minna; ta new odiyaba dogopa; iyape kare keyopa.

⁶ Cincatethas zoko zaaropa; iya nena ashshana; iyo dosa; iya nena naagana.

⁷ Cincatethi aadhiya gisho iyo demma; new de7iyaba wursidi ekikoka akeeka demma.

⁸ Ne iyo boncha; iya nena dhoqu dhoqu oothana; ne iyo oykiko, iya nena bonchana.

⁹ Iya ne huuphiyas saba gidana; boncho kallacha immana” yaagis.

¹⁰ Ta na7aw, si7a; ta odeysa eka; ne laythay aduqana.

¹¹ Taani nena cincatetha oge kaalethana; suure horoga bessaana.

¹² Ne hemetiya wode dhubiyabay deenna; woxiyakoka dhubetaka.

¹³ Ta timirtiya loytha naaga; yeddofa; timirtey new de7o immiya gisho loytha naaga.

¹⁴ Nagaranchota ogiyara boopa; iita asata ogiyan hemetofa.

¹⁵ Iyape haaka; iyan hemetofa; guye simma; ne ogiyan ba.

¹⁶ Enti iitaba oothonna de7ishin dhiskoy ekenna; enti ase dhubbonna de7ishin dhiskoy efenna.

¹⁷ Enti nagara kathada moosona; geellatethi ushshada uyoosona.

¹⁸ Xillota ogey seeta gallas gakanaw, guji guji poo7iya wonta xalqe mela.

¹⁹ Shin geellata ogey sakana dhuma mela; enti aybin dhubetiyakoka erokona.

²⁰ Ta na7aw, ta odeysa si7a; ne haythaa taako zaara.

²¹ Ne ayfiya sinthafe haassofa; ne wozanan naaga.

²² Enta demmiya ubbaas enti de7o; enti asatethas payyatethi immoosona.

²³ De7oy iyape pultiya gisho, ubbaafe aathada ne wozanaa minthada naaga.

²⁴ Ne doonape iita haasaya digga; wordo haasaya ne matape haassa.

²⁵ Sitti gada sinthe xeella; ne ayfey ne sinthan de7iyaba tishshi oothidi xeello.

²⁶ Ne tohuwa ogiya giigisa; suure oge xalaalan hemeta.

²⁷ Suure ogepe ushachi haddirsi goopa; ne tohoy iita oge boonnada naaga.