1 ዮሃንሳ 1 - Geeshsha Maxaafa

De7o Qaala

¹ Nuuni koyrope doomidi de7iya, nu haythan si7ida, nu xeellida, ayfen be7ida, nu kushen bochida de7o qaalaba hintew xaafoos.

² He de7oy qoncin, nuuni iya be7idi, iyabaa markatoos. Aawa matan de7iya nuus qoncida, merinaa de7uwabaa hintew awaajos.

³ Nuura hintew issifetethi daana mela nuuni be7idaysanne si7idaysa hintew odoos. Hintew nuura issifetethi de7iya gisho, Aawaranne iya Na7aa Yesuus Kiristoosara issifetethi de7ees.

⁴ Nu ufaysay polo gidana mela hessa hintew xaafoos.

Xoossay Poo7o

⁵ Nuuni de7o gidida iyape si7idi, hintew odiya kiitay haysa: “Xoossay poo7o; iyan dhumi baawa” yaageysa.

⁶ Nuus iyara issifetethi de7ees yaagishe dhuman de7iko, nu odaaninne nu oosuwan wordotoos.

⁷ Shin poo7on I de7eysada, nuka poo7on de7iko, nuus woli giddon issifetethi de7ees. Iya Na7aa, Yesuusa suuthay nagara ubbaafe nuna geeshshees.

⁸ Nuuni, nunan nagari baawa giiko nu nuna cimmoos; nunan tumi baawa.

⁹ Shin Xoossaas nu nagara paaxiko, I nu nagara atto gaanawunne nu qoho ooso ubbaafe nuna geeshshanaw, ammanetidaysanne tumaa.

¹⁰ Nuuni nagara oothibooko giiko Xoossaa wordancho kessoos; iya qaalayka nunan deenna.