Tito 3 - ጌሻ ማፃፋ

ጎእያ ኦሶታ

¹ አሳይ ደርያ ሃረይሳታስ፥ አዋተይ ደኤይሳታስ ሃረታናዉ፥ ኪተታናዉነ ሎኦ ኦሶ ኡባ ኦናዉ ጊገትዳይሳታ ግዳና መላ አኬክሳ።

² ቃስ ኤንቲ ኦደ ቦላካ ኢታ ኦደቶና መላ፥ ሳሮ አስ ግዳና መላ፥ አሽከታነ አሳ ኡባስ ቃተይሳታ ግዳና መላ ዞራ።

³ ኑኒ ካሰ ኤያታ፥ ኪተቶናይሳታ፥ ባለትዳይሳታ፥ ዱማ ዱማ አሾ ኡፋይሳስነ አሞስ አይለትዳይሳታ። ኑኒ ኢታተንነ ቃናተን ኩምዳይሳታ፤ ኑ አሰ እፀይሳታ፥ አስካ ኑና እፀይሳታ።

⁴ ሽን አሽያ ፆሳ ኬሀተይነ ሲቆይ ቆንጭዳ ዎደ፥

⁵ ኑ ኦዳ ፅሎ ኦሱዋ ግሾ ግዶናሽን፥ ባ ማሮተ ግሾ ኑና አሽስ። ኑና እ አሽዳይ፥ ናምአን የለተ ሜቻንነ ጌሻ አያና ባጋራ እምዳ ኦራ ደኡዋና።

⁶ ሄ አያና፥ ፆሳይ ኑና አሽያ የሱስ ክርስቶሳ ባጋራ ኑ ቦላ ዳርስድ ጉስስ።

⁷ ባ አ ኬሀተ ባጋራ ኑና ፅልስድ መርና ደኡዋ ላታ ኡፋይሳ ኦይካና መላ ሄሳ ኦስ።

⁸ ሀ ቃላይ አማነትዳ ቃላ። ፆሳ አማነይሳት ሎኦ ኦሶ ኦናዉ ጊግዳይሳታ ግዳና መላ ነ ሀ ቃላ ምንዳ ኦዳና መላ ታ ኮያይስ። ሀይሳቲ አሰ ኡባስ ሎኦነ ጎኤይሳታ።

⁹ ሽን ኤያተ ፓላማፐ፥ ኮቻ ታይቦፐ፥ ካቻፈነ ህገ ጋሶን ደንድያ ኦሻፈ ናገታ። ሄስ ጎእነ ዎይ ባይናባ።

¹⁰ ሻሄተ መያ ኡራ ኮይሮ ዞራ፤ ናምአን ሀንቀታ፥ ሄሳፈ ጉየ፥ እያፐ ሃካ።

¹¹ ሄሳ መላ አስ ጌላነ ናጋራንቾ፤ እ ባ ቦላ ፕርደይሳ ኤራ።

ዉርሰ ዞረ

¹² ታኒ ባልጎ ያን ሻጫናዉ ቆፕዳ ግሾ፥ አርፀማሳ ዎይኮ ትክቆሳ ኔኮ ኪትያ ዎደ ነ ታኮ ንቆጵልዮና ያናዉ ምና።

¹³ ህገ ኤርያ ዜማስነ አጵሎስ ኦገ ብያ ዎደ ኤንታዉ ኮሽያባይ ፓጮና መላ ኤንታ ማዳ።

¹⁴ ኑ አሳይካ ፓና አስ ግድድ አቶና መላ ባንታዉ ኮሽያባ ደማና መላ ሎኦ ኦሶ ኦናዉ ምንድ ታማሮ።

¹⁵ ታራ ደእያ ኡባይ ነና ሳሮ ጎሶና፤ አማኖን ኑና ሲቅያ አሳ ሳሮ ጋ። ፆሳ አ ኬሀተይ ህንተ ኡባራ ግዶ። አምንእ።