Mazmure 97 - ጌሻ ማፃፋ

ፆሳይ ኡባ ቦላ ጎዳ

¹ ጎዳይ ካዎትዳ ግሾ ሳአን ደእያ አሳይ ኡፋይቶ፤ ዩሾይ አባን ተቀትዳ ቢታት ኡፋይቶ።

² ሻርነ ሳካና ም እያ ዩሹዋን ደኤስ፤ ፅሎተነ ቱማተ እያ አራታ ባሶ።

³ ታም እያ ስንራ ቤስ፤ እያ ዩሹዋን ደእያ ሞርከታ ፁጌስ።

⁴ እያ ዎልአንይ ብታ ኡባ ፖእሴስ፤ ቢታይ ሄሳ በእድ ኮኮሬስ።

⁵ ደረት ጎዳ ስንን፥ ሳኣ ኡባ ጎዳ ስንን ሙቃዳዳ ትልእዶሶና።

⁶ ሳሎት እያ ፅሎተ አዋጆሶና፤ አሳ ኡባይ እያ ቦንቹዋ በኦሶና።

⁷ ኤቃታ ጎይነይሳትነ ኤንታን ጬቀተይሳት ኡባይ ዬላቶ፤ ኤቃት ኡባይ ጎዳስ ጉልባቶ።

⁸ አቤት ጎዳዉ፥ ፅዮነይ ነ ፅሎ ፕርዳ ስእድ ኡፋይቴስ፤ ይሁዳ ማጫ ናይትካ ሀሹ ጎሶና።

⁹ አቤት ጎዳዉ፥ ኔኒ ሳአ ኡባ ቦላ ቃ፤ ፆሳታ ኡባፈ ኔኒ ቁ ጋዳሳ።

¹⁰ ጎዳ ዶሰይሳቶ፥ ኢታ እፅተ፤ እያን አማነተይሳታ ሸምፑዋ እ ናጌስ፤ ኢታታ ኩሸፐ ኤንታ አሼስ።

¹¹ ፅሎታ ቦላ ፖኦይ ፖኤስ፤ ዎዛና ሱረታስ ኡፋይስ ደኤስ።

¹² ህንተኖ ፅሎቶ፥ ጎዳን ኡፋይትተ፤ እያ ጌሻ ሱን ጋላትተ።