Mazmure 62 - ጌሻ ማፃፋ

ፆሳ ፃላላን ኡፋይስ ዎ

ዳዊቲ ዛማረታ ሀላቃ ኤዶታመስ ፃፍዳ ማዝሙረ

¹ ፆሳ ፃላላን ታ ሸምፖ ደማስ፤ ታ አቶተይ እያፐ ዬስ።

² እያ ፃላል ታ ዛላነ ታ አቶተ፤ እ ታ ቆሰትያ አትያ በሲ ግድያ ግሾ ዳጋምከ።

³ ዎዳና ሀንያ ጎዳነ ቃፅያ ድርስ ዳንያ ኡራ ዎናዉ፥ ህንተ አዉደ ጋካናዉ ደንደቲ?

⁴ ኤንቲ እያ ቦንቾ በሳፈ ደንናዉ ኮዮሶና፤ ኤንቲ ዎርዶን ኡፋይቶሶና። ባንታ ዶናን አንጆሶና፤ ሽን ባንታ ዎዛናን ባዶሶና። ሳላሀ

⁵ ታ ሸምፐተ! ፆሳ ፃላላ ስእ ጋዳ ናጋ፤ ታ ኡፋይሳይ እያፐ ዬስ።

⁶ እያ ፃላል ታ ዛላነ ታ አቶተ፤ ታኒ ቆሰትያ በሲ ግድያ ግሾ ዳጋምከ።

⁷ ታ አቶተይነ ታ ቦንቾይ ፆሳና፤ እ ታ ምኖ ዛላነ ታ ሚፃ።

⁸ አሳዉ፥ ኡባ ዎደ ፆሳን አማነትተ፤ እ ህንተዉ ገሸ ግድያ ግሾ፥ ህንተ ቆፋ እያዉ ኦድተ። ሳላሀ

⁹ አስ፥ እስ ቶሆ ሸምፕያ ጫርኮ መላ፤ ጎባ አስ ኡባይ ማዶና ሀዳ። ምዛነን ዎን ኤንቲ ጫርኮ መላ፤ ኤንቲ እስ ቶሆ ሸምፕያ ጫርኮፈ ካዉዮሶና።

¹⁰ ቦንቀን አማነቶፍተ፤ ካይሶት ሺሽድ ዱረተን ኦቶርቶፍተ። ህንተ ዱረተይ ዳርኮካ፥ ህንተ ዎዛና እያ ቦላ ዎፍተ።

¹¹ ፆሳይ እስ ቶሆ ኦድስ፤ ታኒ ናምኡ ኦዳ ስአስ፤ ዎልቅ ፆሳሳ።

¹² መርና ሲቆይ ፆሳባ፤ አቤት ጎዳዉ፥ ነ አሳ ኡባስ እያ ኦሱዋዳ ኦሱዋዳ እማና።