Mazmure 5 - ጌሻ ማፃፋ

ዎንታ ዎሳ

ሱሱልኤን የፀትያ ማዝሙረ

¹ አቤት ጎዳዉ፥ ታ ቃላ ስአ፤ ታ ኦልያ ቆፓ።

² ታ ካዋዉ፥ ታ ፆሳዉ ታ ዋሱዋ ስአ፤ ታ ማደ ኮያዳ ዎስያ ዎሳ ሀይዛ።

³ አቤት ጎዳዉ፥ ዎንታ ዎንታ ታ ቃላ ስኣሳ። ዎንታ ዎንታ ታ ዎሳ ነ ስን ሺሻይስ፤ ታ ነ ዛሩዋ ናጋይስ።

⁴ ኔኒ ኢታተን ኡፋይቶና ፆሰ፤ ኢታባይ ኔራ ዴና።

⁵ ኦቶራንቾት ነ ስንን ኤቆኮና፤ ኢታባ ኦያ ኡባ ነ እፃሳ።

⁶ ዎርዶ ኦደተይሳታ ነ ይሳሳ፤ ጎዳይ ሱ ጉሰይሳታነ ጭመይሳታ እፄስ።

⁷ ሽን ታ ነ ግታ ማሮተን ነ ኬ ገላና፤ ነ ጌሻ በሳኮ ስማዳ ነና ቦንቾን ጎይናና።

⁸ አቤት ጎዳዉ፥ ታ ሞርከታ ግሾ ጋዳ፥ ታና ነ ፅሎተን ካለ፤ ነ ኦግያ ታ ስንን ሱርሳ።

⁹ ኤንታ መተርሻን ቱም ባዋ፤ ኤንታ ዎዛናን ይሶይ ኩምስ። ኤንታ ዶናይ ዶየትዳ ዱፎ መላ፤ ኤንቲ ባንታ እንፃርሳን ጭሞሶና።

¹⁰ ኤንቲ ነ ቦላ ማካልዳ ግሾ፥ አቤት ፆሳዉ፥ ኤንታ ፕርዳ፤ ኤንታ ቶባይ ኤንታ ኤክድ ቦ፤ ኤንታ ዳሮ ናጋራ ግሾ ኤንታ የደ።

¹¹ ሽን ኔኮ ባቃትድ አትዳ ኡባይ ኡፋይቶ፤ ኤንቲ መርናዉ ኡፋይሳን የፆ። ነ ሱን ዶስያ ኡባይ ነናን ኡፋይታና መላ፤ ኔኒ ኤንታ መርናዉ ናጋ።

¹² አቤት ጎዳዉ፥ ኔኒ ፅሎታ አንጃሳ፤ ጎንዳለን አሸይሳዳ ነ ኬሀተን እያ አሻ።