Mazmure 29 - ጌሻ ማፃፋ

ፆሳ ግታተ ሳቦ

ዳዊታ ማዝሙረ

¹ ህንተኖ ሳሎ መተቶ፥ ቦንቾይነ ዎልቃይ ጎዳሳ ጊተ።

² ጎዳ ቦንቾ ሱን ጋላትተ፤ እያ ጌሻተ ቴማ ግሾ ጎዳ ጎይንተ።

³ ጎዳ ጉንይ ሃታ ቦላ ስኤቴስ፤ ቦንቾ ፆሳይ ዳዳዳ ደቼስ፤ ጎዳይ ግታ ሃታ ቦላ ጉሜስ።

⁴ ጎዳ ኮሽንቻይ ዎልቃማ፤ ጎዳ ግርሳይ ቴማራ ደኤስ።

⁵ ጎዳ ግርሳይ ዝጋ መንስ፤ ልባኖሰን ደእያ ዝጋ መንስ።

⁶ ልባኖሰ ደረታ ጋሎ ማራዳ ቡራቅሴስ፤ ስርዮና ደርያ መንዳ ጉፍሴስ።

⁷ ጎዳ ግርሳይ ዎልአሜስ።

⁸ ጎዳ ግርሳይ መላ ብታ ቃስ፤ ጎዳይ ቃደሳ መላ ብታ ኮኮርሴስ።

⁹ ጎዳ ግርሳይ ዎላ ቃስ፤ ም ሀይ ቆቆፌስ። እያ ኬን ደእያ ኡባይ፥ “ቦንቾይ ጎዳስ ግዶ” ያጌስ።

¹⁰ ጎዳይ ድኦ ሃ ቦላ ባ አራታ ዎድ ኡትስ፤ ጎዳይ ባ አራታን ኡትድ መርናዉ ካዎትስ።

¹¹ ጎዳይ ባ አሳስ ዎልቃ እሜስ። ጎዳይ ባ አሳ ሳሮተን አንጄስ።