Mazmure 145 - ጌሻ ማፃፋ

ፆሳይ ግታ

ዳዊታ ጋላታ ማዝሙረ

¹ ታ ፆሳዉ፥ ታ ካዋዉ፥ ታ ነና ግታያና፤ ነ ሱን መርናዉ ጋላታና።

² ታኒ ነና ኡባ ጋላስ ሳባና፤ ነ ሱን መርናዉ ጋላታና።

³ ጎዳይ ግታ፤ አ ጋላት እያዉ በሴስ፤ እያ ግታተይ አሳ ቆፋፐ አስ።

⁴ እስ የለታይ ሀራ የለታስ ነ ኦሱዋ ኦዳና፤ ነ ማላልስያ ኦሶታ አዋጃና።

⁵ ኤንቲ ነ ቦንቹዋ፥ ነ ቴማነ ነ ግታተ ኦዳና። ታኒ ነ ማላልስያ ኦሱዋ ዛራ ዛራዳ ቆፓና።

⁶ ማላልስያ ግታ ነ ኦሱዋባ ኦዳና፤ ታኒ ነ ግታተ አዋጃና።

⁷ ኤንቲ ነ ኬሀተ ዳሮተ ኦዳና፤ ነ ፅሎተባ ኡፋይሳን የፃና።

⁸ ጎዳይ ኬሀነ ቃተይሳ፤ ሀንቀታናዉ ኤለሰና፤ ሲቆን ኩምዳይሳ።

⁹ ጎዳይ ኡባስ ኬሀ፤ እ ባ መተ ኡባስ ቃቴስ።

¹⁰ ጎዳዉ፥ መተ ኡባይ ነና ጋላታና፤ ነ አሳ ኡባይ ነና ሳባና።

¹¹ ኤንቲ ነ ካዎተ ቦንቹዋባ ኦዳና፤ ነ ዎልቃባ ኦዳና።

¹² ሄሳን ኤንቲ ነ ዎልቃማ ኦሱዋባነ ነ ካዎተ ቦንቾ ቴማባ ኤርሳና።

¹³ ነ ካዎተይ መርና ካዎተ፤ ነ ማታይ የለታ ኡባ ሃሬስ። ጎዳይ ባ ግዳ ቃላ ኡባን አማነቴስ፤ ባ ኦሶ ኡባን ኬሀ።

¹⁴ ጎዳይ ኩንዳናዉ ገድጋደይሳታ ካትሴስ፤ ኩንድዳይሳታ ደንስ።

¹⁵ ኡባ አይፈይ ነና ፄሌስ፤ ኤንታዉ ኮሽያ ዎደን ካ እማሳ።

¹⁶ ኔኒ ነ ኩሽያ ምጫዳ፥ መተ ኡባ አሞ አላሳ።

¹⁷ ፆሳይ ባ ኦገ ኡባን ፅሎ፤ ባ ኦሶ ኡባን ኬሀ።

¹⁸ ጎዳይ ባና ፄግያ ኡባስ፥ ቱማን ባና ፄግያ ኡባስ ማታን ደኤስ።

¹⁹ እ ባዉ ያየይሳታ አሙዋ ኩንስ፤ ኤንታ ዋሱዋ ስእድ አሼስ።

²⁰ ጎዳይ ባና ዶሰይሳታ ኡባ ናጌስ፤ ሽን ኢታታ ኡባ ይሳና።

²¹ ታኒ ታ ዶናን ጎዳ ጋላታና፤ መተ ኡባይ እያ ጌሻ ሱን መርናዉ ጋላቶ!