Mazmure 143 - ጌሻ ማፃፋ

ታ ሸምፕያ ነና ኮያዉሱ

ዳዊታ ማዝሙረ

¹ ጎዳዉ፥ ታ ዎሳ ስአ፤ ማሮታ ደማናዉ ታ ዋሰይሳ ሀይዛ። ኔኒ ፅሎተንነ ነ አማነተን ታዉ ዛሮ እማ።

² ነ ስንን ፅሎ አስ ባይና ግሾ ታና ነ አይልያ ፕርዳስ ሺሾፓ።

³ ታና ታ ሞርከይ የደድ፥ ትንቸረድ ሳአን የግስ። በን ሀይቅዳ አሳዳ ታና ማን ዎስ።

⁴ ሄሳ ግሾ ታኒ ሄታስ፤ ታ ዎዛናይካ ትልእስ።

⁵ ታኒ በን ዎደታ ሀሳያይስ፤ ነ ኦዳ ኦሶ ኡባ ቆፓይስ፤ ነ ኩሸ ኦሶ ኡባ አኬካይስ።

⁶ ታኒ ታ ኩሽያ ኔኮ ምጫስ፤ መላ ቢት ሃ ኮየይሳዳ፥ ታ ሸምፖይ ነና ሳሞቴስ። ሳላሀ

⁷ ጎዳዉ፥ ታ ዎዛናይ ሄትዳ ግሾ ታዉ ዛሮ እማናዉ ኤለሳ። ታኒ ዱፎን ገልያ አሳዳ ሀኖና መላ ነ ሶምኡዋ ታፐ ገንፋ።

⁸ ታኒ ነናን አማነትያ ግሾ፥ ዎንታ ዎንታ ነ ሲቁዋባ ታና በሳ። ታኒ ታ ሸምፑዋፈ ነና ዎስያ ግሾ፥ ታ ባና ኦግያ ታና በሳ።

⁹ ጎዳዉ፥ ታኒ ነዉ ማጋንዳ ግሾ፥ ታ ሞርከታፐ ታና አሻ።

¹⁰ ኔኒ ታ ፆሳ ግድያ ግሾ፥ ታ ነ ሸንያ ኦና መላ ታና ታማርሳ፤ ነ ሎኦ አያናይ ሱረ ኦግያን ታና ካለ።

¹¹ ጎዳዉ፥ ነ ሱን ግሾ ታና አሻ፤ ነ ፅሎተን ታና መቶፐ ከሳ።

¹² ነ ሲቁዋን ታ ሞርከታ ዎ፤ ታ ነ አይለ ግድያ ግሾ ታና ኡንኤይሳታ ኡባ ይሳ።