Mazmure 14 - ጌሻ ማፃፋ

ፆሰ ኤሮና አሳታ

ዛማረታ ሀላቃስ ፃፈትዳ ዳዊታ ማዝሙረ

¹ ኤያት ባንታ ዎዛናን፥ “ፆሲ ባዋ” ያጎሶና፤ ኤንታ ደኦይ ኢትስ። ኤንቲ እፀትዳባ ኦሶና፤ ሎኦባ ኦያ አስ ባዋ።

² አኬከይነ ፆሰ ኮየይ ደእያኮ በአናዉ፥ ጎዳይ ሳሎፐ ዱገ አሰ ፄሌስ።

³ ሽን ኡባይ ዞኮ ዛርዶሶና፤ ኡባይ ጎኦናባ ግድዶሶና። ሎኦባ ኦያ ኦንካ ባዋ፤ ሀር አቶሽን እስ አስካ ባዋ።

⁴ አስ ካ መይሳዳ፥ ኤንቲ ታ አሳ ቦንቅድ ሞሶና፤ ሀ ኢታ አሳት አይባካ ኤሮኮና፤ ኤንቲ ፆሳ ዎሶኮና።

⁵ ሽን ፆሳይ ፅሎ አሳራ ደእያ ግሾ፥ ኢታ አሳት ያሻን ኮኮሮሶና።

⁶ ህንተ ማንቆታ ቆፋ ላሌታ፤ ሽን ጎዳይ ማንቆት ቆሰትድ አትያ በሰ።

⁷ እስራኤለስ አቶተ ፅዮነፐ ዬረነ! ጎዳይ ኤንታ ዱሳ ዛርያ ዎደ፥ ያይቆባ ኮቻይ ኡፋይታና፤ እስራኤለ አሳይ ሀሹ ጋና።