2 ዮሃንሳ 1 - ጌሻ ማፃፋ

¹ ታ ጭማይ ዶረትዳ ጎዳተስነ እ ናይታስ ኪትዳ ኪታ። ታ ፃላላ ግዶናሽን፥ ቱማ ኤርያ ኡባይ ህንተና ዶሶሶና።

² ሀ ቱማይ ኑናን ደእያ ግሾነ መርናዉ ኑራ ዳና ግሾ ታኒ ህንተና ቱማ ዶሳይስ።

³ ፆሳ ኑ አዋነ እያ ናኣ የሱስ ክርስቶሳ አ ኬሀተይ፥ ማሮተይነ ሳሮተይ ቱማንነ ሲቆን እስፈ ኑራ ግዶ።

ቱማነ ሲቆ

⁴ አዋይ ኑና ኪትዳይሳዳ፥ ነ ናይታፐ ባጋት፥ ቱማስ ኪተተይሳ በአዳ ታኒ ዳሮ ኡፋይታስ።

⁵ ጎዳተ፥ ሀእካ ኑኒ ኡባይ እሶይ እሱዋ ሲቃና መላ ታኒ ነና ዎሳይስ። ሀ ኪታይ ኮይሮፐ ኑራ ደእያ ኪታፐ አትሽን፥ ታኒ ነዉ ኦራ ኪታ ፃፍከ።

⁶ ቱማ ሲቆይ ኑኒ ፆሳ ኪታ ናግድ ዳናይሳ። ቃስ ኮይሮፐ ህንተ ስእዳይሳዳ እያ ኪታይ፥ ህንተ ኡባይ ሲቆን ዳና መላሳ።

⁷ የሱስ ክርስቶሲ አሰ ግድድ ይዳይሳ አማኖና፥ ዳሮ ባለያ አሳት፥ አላመን ደንድዶሶና። ሄሳ መላ አስ ኦንካ ባለይሳነ ክርስቶሳ ሞርከ።

⁸ ህንተ ኦዳ ኩመ ዎይቱዋ ኤካናዉ ምንተ። ህንተ ኦዳይስ ዮና መላ ናገትተ።

⁹ ክርስቶሳ ትምርትያን ዶናይሳስነ እያፐ ሃክያ ኡራስ ፆሳይ ባዋ። ክርስቶሳ ትምርትያን ደእያ ኡራስ አዋይነ ናአይ ደኦሶና።

¹⁰ ኦንካ ህንተኮ ይሸ ሀ ትምርትያ ኤሆና እፅኮ፥ ህንተ ሶ ገልሶፍተ፤ ሳሮካ ጎፕተ።

¹¹ እያ ሳሮ ግያ ኦንካ እያ ኢታ ኦሱዋን እያራ ሻከቴስ።

ሳሮ

¹² ታኒ ህንተዉ ፃፋናዉ ኮይዳ ዳሮባይ ደኤስ፥ ሽን ዎርቃተንነ ቃላመን ፃፋናዉ ኮይከ። ኑ ኡፋይሳይ ፖለታና መላ ህንተራ ሶምኦን ጋሄታዳ ኦደታናዉ ህንተኮ ባና ጋዳ ቆፓይስ።

¹³ ፆሳይ ዶርዳ ነ ምቸ ናይት ነና ሳሮ ያጎሶና።