Filipi 3 - Nouveau Testament en Guidar

Wən na suwa təstəs aba Maŋgəlva

¹ Kakaŋ na milmiŋgiɗwa, məneneken zukum də Ɗəfdaya. Nəppan na wəver sukum zəga məs nəver sukum səkay ɓa, amma zami azokum.

² Məzi zukum azet kirɗe, məzi zukum azet məɗɗaŋ mambraya, məzi zukum azet məzu tawən zəga neti.

³ Vi mənamtə ndəɗaŋgəŋ ɓa, mənamtə ɗii məs dəsklaŋ awra an də goŋga, mənamtə məɗɗaŋ wəza na Maŋgəlva də Əmpəsa, gakdak nam aka Zezu Krestu məɗiya, nam ɗii narban gəɓa zəm mənan ɓa.

⁴ Wanəɓap wəpan wəɗum naw pak sən kiwa, wənnəŋka an ɗəf anslənək zəni, tay an məs adarban adəv gəɓa zəni, naw bo nədayək kiyən sawɓa.

⁵ Naw də wəvoŋ dədopoɗo nəskəl awra, zemvit Israyelɗe nani, ma əlfa na Benyamin, Yahudiyen kpak kpak nani, klaza ma henziŋ Farisiyen nani.

⁶ Nəsokuk zu adəvən sawɓa, ha nəzemgitik saha net kretiyenɗe, klaza wənna ma henziŋ, salala nani ɗef tay nagapu ɓa.

⁷ Amma wənnas pak taya zaw lahəŋ na, va riba nawa, ndəni nəɗɗi wənan azaw pak kakaŋ na, va zəga məs dəray vi wənna Zezu Krestu.

⁸ Zəga aski kaaka, amma gesiŋ intatə ɗi wənnəs pak azaw va məs dəray səkay, vi nərah gən zəga an na sləma ndəni Zezu Krestu Ɗəfdaya nawa. Vini nəppan wəsən nawsən kiwa. Intatə ɗi wənəs pak azaw va zəga məsgan aka gadərgiya vi nərahə gən Krestu.

⁹ Say wəsap də ndən kaaka nədaw kayani. Nəkayna ɗaah təstəs aba Maŋgəlva sən kiyu də wənna ma henziŋ ɓa. Amma əntatə kay əsso təstəs aba Maŋgəlva də ətaf Krestu, asna wanəsaw təstəs aba Maŋgəlva.

¹⁰ An nədaŋgla na, nəsən gən Krestu də sembe nani məs asil sətəki əmta nani, də wəsap dəndən də wəzəm saha nani, nəsaw gən va ndən də wəmta nani.

¹¹ Vi nəgap gən naw silyaw sətəki əmta də zeŋgillewa.

Wənzuwa kla təki narəh zəga

¹² Naw nəh na nərahək səkayi ɓa, walla naw salala* naniyi ɓa, amma əntatə nzawa nərəh gən zəga məɗiyən viyit məzudaɗiyaŋ, yaŋ Krestu arəmwək səkay.

¹³ Milmiŋgiɗwa, nəɗum na va nərəhək zəga nan səkay ɓa. Amma zəga taka an məs nəsən na: Intatəsgət ki wən məs dətoŋ dərɓagawa, əntatə sok zu wənzawa, vi kawrah ana bawa.

¹⁴ Yaŋ ndəni kan nədanzaw kla təki nawrah zəga nani, vi nərəhə gən zəga nani məs Maŋgəlva ayəm akan daga sə disiŋ də Zezu Krestu, ndəni wəkoho.

¹⁵ Mənam məs madaram adəv wənnəŋka, va ɗii gugiriɗ mənani, məsam səm də wəɗum nan məstaka vaska. Ko an ɗəf tay səmbokum məs dəsən wənan də tive temme, Maŋgəlva warban sukum wənnani.

¹⁶ Say məsok səm zəmə də wəsban tive an məs məsban laŋka ha gap dəpaŋka.

¹⁷ Milmiŋgiɗwa, məsbawa, mula wədaw nam azokum va zəga narban sukum wənna, məzi horokum azet ɗii məzu dawaŋ vaska.

¹⁸ Nənah sukumək wənnet səkay təl diiɗa. Ndəni nədawnah sukum əmpa kakaŋka də sin arawa, net wənnet pak va maseŋgiɗ wəmta na Krestu wəŋ aka məzliwrihe.

¹⁹ Wəgrak na wənnet pak say də wəzzan ziti, gədəfti maŋgəlva neti zəga na willi azet ka gakdak neti. Wəɗum net say aka zəga nanziya egge kaaka'ə.

²⁰ Vi namə, gela nam a disiŋgi. Sədaki mədaw ga məzu koh gəmə, ndəni Ɗəfdaya Zezu Krestu.

²¹ Ndəni dəda kpaŋgan gəɓa zəm məs mədakən na dəlva fuŋgəŋka, dəsan gən va gəɓa zəni də gakdak nani, sembe nani dəɗɗa zəga pak dəpprəm gən mani.