भजनमैं 15 - परमेश्‍वरए ताँ तमु क्युइर

परमेश्‍वरजी खोबै म्हि

दाऊदए भजन घ्रि

¹ ओ याहवेह, क्हिए पबित्र तम्बुर खाब् होंल् खाँमुँ? क्हिए पबित्र कोंर खाब् टिल् योंमुँ?

² क्हिजी प्रद् बिबै घ्याँर प्रब, धै ठिक केमैं लब, खों न्होउँइँलेन् क्ह्रोंसेंन्बै ताँ पोंब,

³ ह्रोंसए लेइ आगुलाइ आस्यारब ह्रोंसए ङ्‍हेब्मैंए न्होह्रों आलब, धै ह्रोंसए थुमैंए बारेर आछ्याँबै ताँ आपोंब,

⁴ आछ्याँबै के लब्मैंलाइ आखोब, दिलेया याहवेहने ङ्हिंब्मैंलाइ मान लब, ह्रोंसए न्होह्रों तलेया ङ लम् बिबै के पूरा लब,

⁵ मुइ पिंमा ब्याज आकिंब, धै तोइ छ्याब आरेबै म्हिमैंलाइ नास लबर घुस (ख्याब) आकिंब, छाबै म्हि क्हिए पबित्र कोंर टिल् योंमुँ। छ लबै म्हिइ खोंयोंइन रक्षा योंम्।