भजनमैं 149 - परमेश्‍वरए ताँ तमु क्युइर

याहवेहए ल्हागिर छारा क्वे घ्रि प्रिंन्

¹ हल्‍लेलूयाह! याहवेहए ल्हागिर छारा क्वे घ्रि प्रिंन्, खीजी बिब् ङिंब्मैंने बालु तसि खीए मिं थेब् लद्!

² ह्रोंसलाइ बनेबै परमेश्‍वरर्न इस्राएल सैं तोंरिगे; सियोनर्बै म्हिमैं ह्रोंसए म्रुँने सैं तोंरिगे!

³ सेदै चमैंइ खीए मिं थेब् लरिगे, धै खैंचडी नेरो बीणा ह्रासि चमैंइ खीए क्वेमैं प्रिंरिगे!

⁴ तलेबिस्याँ ह्रोंसए म्हिमैं म्रोंसि याहवेह सैं तोंम्; कुरब्मैंलाइ खीजी ट्होगों लमिंम्।

⁵ खीजी बिब् ङिंब्मैं ट्होगों तल् योंमा सैं तोंरिगे; धै रोबै क्‍ल्‍ह्‍योरै या सैं तोंदै क्वेमैं प्रिंरिगे।

⁶ चमैंए सुँइ परमेश्‍वरए क्वेमैं प्रिंरिगे। अरू ह्रेंमैंने खि किंबै ल्हागिर,

⁷ म्हिमैंलाइ दण्ड पिंबै ल्हागिर, चमैंए म्रुँमैं सँउँलिइ

⁸ नेरो चमैंए चिब्मैं पैइ फैबै ल्हागिर धै चमैंए बिरोधर प्ह्रिब् धोंले निसाफ लबै ल्हागिर

⁹ परमेश्‍वरए म्हिमैंइ धार ङ्हिं मुँबै सेलाँ छेरिगे! छ लस्याँ खीजी बिब् ङिंब्मैं ताँनइ मान योंम्। हल्‍लेलूयाह! याहवेहए मिं थेब् लद्!