भजनमैं 127 - परमेश्वरए ताँ तमु क्युइरयाहवेहजीन् धिं आबनेस्याँ कैंडो क्रेबै त्हेए ल्हागिर सोलोमनइ प्ह्रिबै क्वे 1 याहवेहजीन् धिं आबनेस्याँ बनेब्मैंए के फाकर्न तम्। याहवेहजीन् सहर आरुँमिंस्याँ रुँब्मैंइ रुँब फाकर्न तम्। 2 चबै सैमैंए ल्हागिर दुःख लबर न्हाँगर्न रेब नेरो ङेसर क्हैल्ले रोबै या फाकर्न ग, तलेबिस्याँ खीजी म्हाँया लब्मैंलाइ, न्हरु पिंम्। 3 च्ह च्हमिमैं याहवेहजी पिंबै आशिकमैं ग, फो न्होंर्बै प्हसेमैं खीजी पिंबै इनाम ग। 4 ल्हडेर ह्याबै म्हिए योर्बै मे धों तब फ्रें-छमिंर योंबै प्हसेमैं तम्। 5 त्हुर ल्हें मे मुँबै म्हि आशिक योंबै म्हि ग, तलेबिस्याँ निया लबै क्ल्ह्योर शत्तुरमैंए उँइँर राल् त्हुमा च फापिल् त्हुरिब् आरे। |
© 2020, Wycliffe Bible Translators, Inc. All rights reserved.
Wycliffe Bible Translators, Inc.