भजनमैं 125 - परमेश्वरए ताँ तमु क्युइरयाहवेह ह्रोंसए म्हिमैंए कारर्ग्युले तम् कैंडो क्रेबै त्हेर्बै क्वे 1 याहवेहए फिर भर थेंब्मैं सियोन कों धों तम्, च कोंलाइ खाबज्यै लाल् आखाँ, खोंयोंन् बिलै तरिम्। 2 यरूशालेमलाइ कोंमैंइ कारर्ग्यु लब् धोंले, याहवेह ह्रोंसए म्हिमैंए कारर्ग्युले खोंयोंन् बिलै तरिम्। 3 ठिक के लब्मैंए ह्युलर दुष्टमैं तरिब् आरे, आस्याँ ठिक के लब्मैंए योइ आछ्याँबै के लब्मुँ। 4 ओ याहवेह, छ्याँब लब्मैंलाइ छ्याँबन् लमिंन्, छलेन छ्याँबै खों प्ह्याब्मैंलाज्यै या छ्याँबन् लमिंन् 5 दिलेया आछ्याँबै के लप्रब्मैं बिस्याँ याहवेहजी दुष्ट के लब्मैंलाइ पिंब् धों तबै सजैं पिंब्मुँ! इस्राएलए फिर शान्ति तरिगे! |
© 2020, Wycliffe Bible Translators, Inc. All rights reserved.
Wycliffe Bible Translators, Inc.