भजनमैं 1 - परमेश्‍वरए ताँ तमु क्युइर

भाग घ्रि भजनमैं १—४१ क्ह्रोंसेंन्बै सैं तोंल् लबै ठिक घ्याँ

¹ दुष्‍टमैंए सल्‍लार आप्रब, नेरो पापिमैंइ लब् धोंले आलब, धै परमेश्‍वर स्यारब्मैंने बालु आटिबै म्हिइ आशिक योंम्।

² दिलेया याहवेहए ठिमर्न (नियमर्न) च सैं तोंरिमुँ, धै त्हिंयाँ म्हुँइँस खीए ठिम सैंर थेंरिम्।

³ च स्योंए रेर रुँइँबै सिंधुँ धोंन् तम्। चइ रो रोल् त्हुबै त्हेर रो पिंम्, धै चए प्हो खोंयोंइ आङ्योंलों। चइ तो के ललेया छ्याँब तम्।

⁴ दुष्‍ट के लब्मैं बिस्याँ छाब आत! चमैं खैंइ नोइ बोयाबै पुइ धोंन् तम्।

⁵ छतसि दुष्‍ट के लब्मैं निसाफ लबै त्हेर राल् खाँरिब् आरे, धै पापिमैं ठिक के लब्मैंने बालु टिल् योंरिब् आरे।

⁶ छलेन याहवेहजी ठिक के लब्मैं प्रल् त्हुबै घ्याँर रक्षा लमिंम्, दिलेया दुष्‍ट म्हिमैं बिस्याँ नास तबै घ्याँर प्रम्।